بسم الله الرحمن الرحيم
كيفيكم يا حلوين !
قصيده تسمعنا صوت حنين الأشجاآن
تحكي قصه هي عباره عن همسآت حروف لشخص محب :
على طاري الوداع وغربـة الأرواح والترحـال
وعلى طاري الدموع اللي تخلت عـن مواقيهـا
حبيبي والهوى ينبت على قلبـي حلـم وآمـال
وشراييني تضخ الدم مـن أشواقـي وترويهـا
أنا أسمع دايم الأمثال تقول الحـب يهـد الحـال
وأنا أقول الهوى جنه مـادام الوصـل يحييهـا
أبيك بصدق توعدني قصر معك الزمن أوطـال
حياتـي يابعـد عمـري دخيـلـك ماتخليـهـا
وأبيك تكون لي جنه إذا طـاح البخـت أو مـال
وأبي عينـك تراعينـي مـن الدنيـا وبلاويهـا
وأنا بأعطيك عهدالله وأمـان الواحـد المتعـال
مادامنـي علـى الدنيـا عيـونـك ماأبكيـهـا
وعلي أفرش لك أهدابي وأحط رمشي غطا وظلال
وأضمك داخل ضلوعـي وأذوب لـك محانيهـا
وعلي أرسم بك أحلامي وأخلي الروح بك تختال
وأسميك بحشا روحي حبيبـي وإنـت غاليهـا
بعد عمري بعد روحي بعد أعمامـي والأخـوال
وبعد كل الشعوب اللـي تبـوت فـي أراضيهـا
أحبك أيـه أنـا أحبـك وحبـك بالحشـا لازال
وأحس إنه بعد يـزدادبكـل لحظـه وثوانيهـا
أحبك عـد لمعـات البـروق وغيثهـا الهمـال
وأحبك عد مخلوق وطـا الأرض ومشـى فيهـا
أحبك كثر مافي الكون من بحور وشجر وجبـال
وأحبك كثرماترسـي المراكـب فـي موانيهـا
أحبك كثر أنفاسك وعدد مافي الصحـاري رمـال
أحبك كلمـه بشفاهـي ولاأدري كيـف أحكيهـا
وربي لامحبة قيـس ولا حتـى هـوى الأمثـال
يجي ربع المحبـه اللـي بقلبـي لـك مخبيهـا
تخيل من كثر ماأهواك وكثـرماأحبـك بخبـال
أحس إني ملكت الأرض مـن أقصاهـا لدانيهـا
وعلى طاري الوداع وغربـة الأرواح والترحـال
كتبت أصدق أحاسيسي مـن أولهـا لتاليهـا
رد مع اقتباس
المفضلات