تخيلو لو اتنين سمعهم ثقيل اتكلموا مع بعض !!!شو الى ممكن يحصل ؟ تعالو نشوف اتنين من هدا النوع واقفين على محطة الأتوبيس ودار بينهم هدا الحوار :
الأول : الأتوبيس دة بيروح مصر الجديدة ؟
الثانى : على الحديدة !!.. لية انت طالب إحسان
الأول : بذرة الكتان !! دى تلاقيها عند العطار
الثانى : جزار !! اه قوللى كدة .. عايز تشترى لحمة
الأول : معك حق .. الدنيا زحمة .. علشان دة ميعاد خروج الموظفين
الثانى : نور العين !! لا والله ماعرفوش
الأول : ما بتشربوش !! لية .. كفا اللة الشر
الثانى : رأس البر !!! دى مصيف حلو وهادى
الأول : عايز تركب للمعادى ... دى منطقة جميلة
الثانى : بليلة !! انت شكلك كدة جعان
الأول : عيان !!! اى والله انت باين عليك عيان .. طيب ما تروح الدكتور
الثانى : الحنطور !! دة احسن من الأتوبيس وبيوصلنى لحد الباب
الأول : هباب !!! وانا اللى كنت فاكرك محترم
الثانى : إتخرم !! هو مين ؟؟
الأول : عاوز أسبرين !! لية انت عندك صداع ؟
الثانى : قراع !!! ينهار اسود .. دة مرض خطير
الأول : لا والله مش عايز .. وبعدين انا بحبش الفطير .. تقيل على المعدة وتمنة غالى
الثانى : خالى .. انت تعرف خالى ؟ دة راجل كبير فى السن
الأول : الجن .. نهارك مش فايت .. انت عليك عفريت ؟؟ا
لثانى : لا والله .. مماعيش .. انت عايز الكبريت لية ؟ عايز تولع ؟
الأول : أدلع عليك انت ؟ انت ما تملاش عنيا
الثانى : يقبضوا عليا !! لية ؟؟
الأول : انت غريب يا راجل !! انت شكلك شحات . ( وهو يدفعة من القميص ) روح اشتغل شغلة تاكل منها عيش
الثانى : خيش !! والله دى صوف إنجليزى
الأول : بنتك زيزى !! ربنا يخلى ..
الثانى : إنتاج محلى !! دة والله مستورد
فى هذه اللحظة يمر شاويش .. يلفت إنتباهه الحوار : بتعمل إية يا جدع منك لة !!!
الإثنين : ايوة يا شويش .. إحنا مستنيين الأتوبيس
الشاويش : نهاركم مش فايت ... جواسيس !!! قدامى على القسم
مع تحيـــ ههههههه ــاتي
رد مع اقتباس
المشاركة الأصلية كتبت بواسطة ابن الشريف
المفضلات