وينك من عشك لميته لهفة وشوك..بااول ابتدائي العشك ماخليك
على الهامش حياتك ماتعرف اتعيش..جلمة اتهدة بيتك والحرف يبنيك
على باب الهوى واكف ومالك بيه..ياهو الخطف طولك ودك يدليك
هزني الخاطر المكسور بيدك جان..ماغرني جمالك والبياض البيك
تاخذني على عقلي ومارحت وياك..بس انة بمزاجي بمايك مخليك
انة انطيتك الحب ماكلتلك جيب..غيري الاخذ كلشي وكلشي مامنطيك
راويتك شمس يل جنت حفنة غيم..تتبطر علية وانة المعليـــــك
مامقتنع فعلا بس جبرني الليل..اتنتطر تجيني وانة المدليك
بية اسنون جرحك والملح والخوف..لاتسالني اكره من تكلي شبيك
مااخفيك عاشك بس قرار الجاي..يذبح كل عواطف علمتها اعليك
ماجيلك ركض لا احضن الشباج..ولوتصبح مقام وحضرة مالبيك
المفضلات