*** ليتك تموت اليوم وارتاح انا منك .......... !!! ***
*** ليتك تموت اليوم وارتاح انا منك .......... !!! ***
ليتك تموت اليوم وارتاح انا منك ... يرتاح قلب بالخيانة طعنته
ليتك تموت وبثوب اسود اكفنك ... واطوي معك صفحة عذاب رسمته
ليتك تموت و داخل القبر انا ادفنك ... وادفن مع الجثمان جرح جرحته
ليتك تموت اليوم محد درى عنك ... غير الخفوق اللي وفا لك وخنته
ليتك قبل لا تموت في صدرك اطعنك ... واصيح باعلى الصوت حقي اخذته
يلعنك قلبي والاحاسيس تلعنك ... و يلعنك دمع صادق لك نثرته
جننتني ربي يجننك ... لا وحسافة ليلي اللي سهرته
منتب كفو قلبي له سنين صينك ... منتب كفو للي من اجلك فعلته
غدار خاين خنت قلب مأمنك ... قلبي عطاك الحب وبيدك ذبحته
وشو موقفك لو كنت انا اليوم خاينك ... وشو هو شعورك لو فؤادك غدرته
********************************
أول أقول المـوت فينـي ولافيـك
واليوم جعل الموت ياخـذ حياتـك
۩۞۩
دامك تبيع انسان بالكون شاريـك
موتك ولاتوهـم لغيـري صفاتـك
۩۞۩
فيني مشاعر كل ماانساك تطريـك
تلعن وفاهـا يـوم لاقـت رداتـك
۩۞۩
وقف دقايق واذكر اللـي يواسيـك
جفف دموعك قبل تاصـل شفاتـك
۩۞۩
تذكر تجيني تبكي الظلـم وابكيـك
واشيل جرحك "اجبرتنـي غلاتـك"
۩۞۩
وإن غبت عني كل مابـي يناديـك
حطمت حلمي ورحت ألبي امنياتـك
۩۞۩
ادري الجمال وسود الأهداب كاسيك
لكن حسافه .. ع...... وصفك خفاتك
۩۞۩
ياما رجيتك ودمع عينـي يحاكيـك
طاوعت نفسك وكلمتي اليوم جاتك
۩۞۩
مابيك انـا بدنيـاي والله مابيـك
رح ياعساك بجرح ينزف شقاتـك
۩۞۩
واول أقول الموت فينـي ولافيـك
واليوم فرحي " ينولد في وفاتـك
۩۞۩
***********************************
انا زعلان منك حيل وشايل لك بقلبي عتاب
واتمنى تحملني مثل ما اتحمل عتابك
ترى بعض الصراحة جرح وثقل ونرفزه واعصاب
ابي تسمع كلامي زين وتمسك زين اعصابك
تعاهدنا انا وانته على إنا نكون احباب
واحبابك هم احبابي واحبابي هم احبابك
وش الي غيرك فجئه تكلم واذكر الأسباب
انا بسمع كلامك زين وبسمع زين اسبابك
رغم كل الخطاء منك فوجهك ما قفلت الباب
ويوم اخطيت في حقك قفلت فوجهي ابوابك
رخصت الغالي لعيونك حنيت لخاطرك ارقاب
رظيت احنيها ارقابي ولا تحنيها ارقابك
كفاية تمتحني هم وخل من ذم فيني وعاب
ترى من عاب في غيرك ولو طال الزمن عابك
ولا تفكر في يوم انساك او يشغلني عنك غياب
انا اتنفسك اهواك وفيك اموت واحيابك
انا ما شوف احد غيرك جميل بفتنته جذاب
انا إعجابي فيك اعمى يفوق اعجاب اعجابك
انا مهما قسى قلبي بكلمه منك احسه ذاب
انا من زود عشقي لك عشقت العطر في ثيابك
انا ياليت مغرم فيك انا كلي فغرامك شاب
احسك جزء من روحي ولا اتحمل غيابك
ولا قد طاب لي جرحك ولو جرحي لذاتك طاب
عجزت اقدر اشوف الدمع بل اطراف اهدابك
ولكن كل شي إلا جزاة الصد بالترحاب
إذا صديت ترحابي ترى باصد ترحابك
ولاني ما ارتضي ذلي ولو كان الهواء غلاب
إذا ماكان ترضى بي حشاء لا يمكن ارضى بك
ولاني قادر اتحمل عشانك غرست الأنياب
انا كلي غدى مجروح من غرسات انيابك
تجافيني ولا همك ولا تحسب لي أي حساب
وانا من زود عشقي لك اصونك واحسب حسابك
آلآ ياقسوة الصدمه تجيني منك الأصواب
وانا الي كنت اقول الجرح إذا ما صابني صابك
آمانه قول وش بقيّت للعذال والأغراب
اذا هذا معي طبعك اجل وش حال اغرابك
تمرد كان يحلى لك تعيب فطيبتي وتغتاب
ولكني ترى اكبر من اني يوم اغتابك
انا عيبي غبي وطيب وظني فيك والله خاب
ولا قد كنت اتوقع تجافي يوم اصحابك
انا جيتك بطيب الطيب وفيك الطيب ابد ما جاب
ابي تعذرلي ها القسوة لأن الطيب ما جابك
جبتها لعيونكم
قليله بس معبره
منقووووووول
رد مع اقتباس
المشاركة الأصلية كتبت بواسطة رمز الوفاء
المفضلات