قلبي قسمته ياهوى البال بالنص
نصفه بجوفي وأنت بيديك نصه
لا غبت عني يبتدي الحال ينقص
وأسهر وتبدالي مع الأحزان قصه
ياليتني في لجنة التعليم مختص
والله لحط لمنهج الحب حصه
ياقلب لا تشقى وراء كل مزيون
مالك على الخلايق مقاله
لا تشتكي يا قلب للناس يدرون
والناس عن شكواك مالك وماله
ياقلب وشبك دايم الدوم محزون
خلك بفالك وأترك اللي بفاله
الحب يا هل الحب راعيه مجنون
ينسى أبوه ثم عمه وخاله
ماهو بكيفي أعلن الحرب وياك
لو قام عقلي قام قلبي يصده
والله أحبك صدق وش فيك وش جاك
أبغى المحبه بس من غير شده
ولا جاك غيري لا تحبه ليا جاك
تكفى طلبتك ألعن أبو جد جده
وشهو يعني لو نقص عهدي وخان
لا هو أول ولا آخر من يخون
دام نحيا في زمن مابه أمان
شيء طبيعي عشرتي عنده يهون
كان يا مكان في ذاك الزمان
نبض في قلبي وفي عيوني عيون
كان له في أصدق أشعاري مكان
لك في خفوقي ألف مرسى للإبحار
شد الشراع وشيل مرسى السفينه
أبحر عساك تكون للروح بحار
أمواج قلبي في يمينك رهينه
لجلك كتبت أهواك بأصداف وأحجار
وفاض البحر للبر وأعلن حنينه
وينها ياصبر مالي غيرها لو هي تخون
شف دفاها في ضلوعي نبضها حولي يحوم
قلت وعيوني تكابر دمعها يرثي الجفون
ليتني ياحب ميت قبل ما قلبك يروم
من صغر سني أعاني ومابقى للصبر عون
رح لها ياحبي يمكن قلبها يصبح رحوم
أنت ياشيخ البهاء سيدي وعمي
تنثر أيامي عبث وتلمها
أنت همي ول يامحلاك همي
آهـ ياملح السنين وهمها
وإن خذتك مني عين ماتسمي
ألعن الدنيا وأبوها وأمها
قلب ذبحته بالغدر صار ينساك
والنفس عافت من عذابك وعدها
أنا الذي تلعب بقلبه وخلاك
وأنا الذي عنك المواجع حشدها
بأحرق بقايا مابقى من خطاياك
وأطوي صروح بالحشاء تعتقدها
صفينا صفوة الصافي بوصفك
كما يصفى صفاء الصافي صفينا
تلامس كف كفي بكف كفك
كفوف الكف ما قالت كفينا
خفيف الدم ما لاقيت خفك
خفايا الخافي ماعنه أختفينا
أوصف كيف أبي أوصف وصف وصفك
ولو وصفت وصفك لا ماوفينا
قالت بمشي قلت عفوا"على وين
قالت بقفي قلت مرواح جدي
وش صار يعني لابغيتي تقفين
بأموت يعني لانويتي بصدي
أنا قوي الباس ماني بمسكين
وأموت في شيء أسمه تحدي
أنا العزيز ولاهمني لو تجفين
بترجع ذليل وتحب راسي ويدي
من غبت عني وخاطري دوم مكسور
في غربتي أحياك ذكرى وتذكار
أحيان أقول أنك على حق معذور
وأحيان أحس أن الجفاء ماله أعذار
وكانك تحسب الجفاء ذنب مغفور
غلطان ماتعرف للأشواق مقدار
إلى متى من دون تفكير أناديك
أحسبك عندي وأنت يابعد ممساك
لو صار شوفك صعب ماني بناسيك
ولو حال دونك يأس لا يمكن أنساك
لو عشت طول العمر بالروح بفديك
يالغالي اللي غالي الروح تفداك
حلفت أنا ما أشكي على الناس همي
إلا على رب البشر جالي الهم
وعندي خبر صفو الزمن مايتمي
لو يستمر سنين وشهور ماتم
دنيا تفرق ياولد ما تلمي
شرها يعم وخيرها خص ماعم
ياخوك أنا منها أرتفع ضغط دمي
حتى نحلت وصرت عظم بلا دم
مريت بيت للمحبين مقفول
وجابتني القدره على حد بابه
ونشدت جيرانه عسى البيت منزول
قالوا حبيبك راح لا واسفابه
وله مده بالسوق ماشيف له زول
وبابه عليه من السوافي ترابه
من مركب الحزن خذني لدنياك
اليأس حطم بالغياب أمنياتي
أفرح بذكراك كيف لا صار لقياك
تصفالي الدنيا وتضحك شفاتي
حبك تجسد في حياتي وذكراك
طول العمر بأهواك حتى مماتي
رد مع اقتباس
المفضلات