[frame="4 80"]السلام عليكم كلويتكم <<<<<< ردو السلام الي مايرد السلام بعلقه بالباب حق المنتدى
الفرق بي بزران اول وبزران الوقت
نبداء بالشباب كالمعتاد
البزر قبل بالبيت
بالبيت هو الرجال هو الي يجيب الاغراض وهو الي يقهوي الرجاجيل بالمناسسبات هو الي لا جئ الاضيوف هو الي يقلطهم يوم يتسولف معه تحسن انك تسولف مع رجال عنده اعلوم ارجال وسوالف ارجال وتشوف الجسم صحه متوازي <<<<<< هذا جدي مو بزر
البزران بالوقت بالبيت
بالبيت كنه ابجوره ماغير جالسن ع النت ولا على البلاستيشن ولا صحى من النوم مايدور غير جواله ويدق على اقرب رقم يطلع بقائمة الاسماء من المطاعم الي عنده مافي مطعم بالديره غير مسجل رقمه بجواله وماغير اكل ونت ونوم صاير نقول فيل من كثر مايكل ههههههههههه
ولا يعرف شي من هذي الحياع غير النت والعب ومن غير سنع ليته فيه فايده يقعد طول عمره مقابل النت ولو ينزل فايرس بالجهاز ماعيرف يتصرف
ولا جئ عندهم اضيوف مايدري وين رابه قاطه ماغير مقابل الظيف ويتلفت فيه تقول كأن غريب
ولا صارت مناسبه عندهم ماشاءلله عليه تقول ظييف ماغير يزقح من الاقهوى والشاي <<<<<
عيني عليك بارده
خلاص ما ابي ازودها علشان مايزعلون ههههه
البزران قبل بالمدرسه
مايعرف الدراسه غير لا كبر ولا بعد الدراسه ماهي غصب يعني تبي تدرس حياك ولا يدرسون غير الي يبون الدراسه ومع انها صعبه بس يفلحون فيها ولا دخل عليهم الدرس ماتسمع لهم صوت
ويحترمون المدرس مو من عبث المدرس اصلن كل يوم مع شيبانهم بالحاره لو يسون شي لغير يلعمهم عن سوالفهم <<<< والشيبان ماعنده غير رفع وتنزل بالخيزرانه البزر من كثر ماينضرب صار اظهر تقول تقاطع
ولا راحو للبيت ماغير يقرطون الكتب عاد يالكتب كلها كتابين وفوق هذا لخوه الي قبله بسنه درس
ولا خلصو الابتدائي ماغير يتخيير بالوظايف تقول معه دكتوراه ولا خلص المتوسط (يحطونه معييد بالمدرسه الي درس فيها)>>>>> ماشاءلله
البزران الوقت بالمدرسه
لا صار عمره 5 سنين وهو يبتسي يبي المدرسه ابي اروح وابي اروح ولا سجلونه بالمدرسه
وصار له سنتين وهو يدرس
ومل من كل يوم يصحى للمدرسه من صباح الله مايحسبها كذا المسكين
يوم يصحيه امه يقول وهو مفتح عين ومغمض عين متى اكبر واصير بالجامعه<<<< بدري عليك باقي لك عشر سنين ول يالبزر موب هين جامعه طيب قول ثانوي هههههههههه مسكين رحمته
ولا صار بالمتوسطه وماغير ينافخ ع المدرسين تقول يشتغلون عند ابوه
ولا صار بالثانوي وابوه فرحان فيه ومعطيه السياره علشان يداوم عليها وهو اول اسبوع هذا زينه و وبعدها ماغير مقضيها تهريب مع شباب الحاره ومن شارع لشارع وهو يدور مايملون ولا جت الاختبارات ويدورن الطالب الدافور وياخذون لك الدفتر ويصورن عشرين نسخه الفصل كله 23 اجل بس اثنين الي مهتمين ههههههههههههههه
والمشكله ينجحون
ولا خلص الدراسه وراح يدرس بالجامعه اول فصل هذا بياخذ انذار وحرمان بكل المواد غيااب يحسبها مدرسه ابو الشباب ( هذي صارت معي للاسف السالفه)
ولا خلص الجامعه ماغير راقد بالبيت ولا يدري وش يسوي لا ومعدل مثل الخلق ولا وفي وظايف من الاصل يقعد بالبيت مثله مثل اخته ياكل وينام وياخذ مصروفه ههههههههههههه البنت احسن منه تشتغل بالبيت
<<<< هذي سالفه صارت مع واحد ايام الدراسه ترى موب انا من جد هع <<<< كل ماقلت سالفه تقولن انت هع
هرب من المدرسه ويفر بالشوراع ولا قدامه اشاره ويقطع الاشاره<<<< طيب ماوراك ششي مطول الدوام يخلص ع ايش مستعجل
ولا يصد له سياره طلعه من الاشاره يوم نزل بيشوف السياره وش صار فيها ولا ينزل صاحب السياره الثانيه ولا يطلع ابوه ههههههههههههههههههه
وياسلام ولا تشوف الترفع والتنزل بالاعقال بالشارع قدم الله وخلقه وبعدها المسكين ماعاد يهرب
البزران قبل ملابسسهم
البزران قبل ماعندهم غير الثوب ولا صارت مناسبه لا بس الاشماغ ومتلثم بعد <<<< خلي وجهك يتنفس اشوي
والثوب لونه اصفر من يوم شراه ويقعد الثوب لبسه اسبوع ولا يغسله الا يوم الجمعه ويقعد بالسروال والفانيله لين ينظف الثوب
الثوب ينام فيه يروح للمدرسه فيه ويلعب فيه الثوب هذا متتعدد الاستخدام هههه
البزران الوقت ملابسسهم
ملابسهم كل لبس لون والثوب مايعرفونه غير بالمناسبات ولا لبسسهم فضيحه الي يلبس طيحني والي رفعني والي مدري وشسمه
ولا راح لسسوق تقول بنت يعدون ساعه بالمحل على برمودا
المدرسه لها لبس المناسبات للهم لبس واللعب لهم لبس لو يقعد عندك ويروح خمس دقايق ويرجع ماتعرفه تحصله لا بس لبس غير الاول<<<< يوم تقول له ليه يقول ياعمي تغيير الناس وصلت القمر وانت للحين تسولف على البس ياعمي روح لا اهفك بالدله
البزران قبل قصاتهم
قصاتهم معروفه يا انه يخلي له جدايل كنها جدايل جدتي طرفه كل يوم بالقايله يفكهم ويشمسسهم ههههههههههههه
ولا قص شعره ماعرفون غير الموس ماتشوف غير صقعيته تلمع بالقايله
ودقنه ماغير يخفف منها بالمقص ولا يشيلها كلها
البزران الوقت قصاتهم
البزر لا راح يقص شعره يقعد ساعه عنند الحلاق يفكر وش يقص قص لي اشوي من تحت وسوي لي الغره ع جنب ودري وش ولا طلع تحلف انه بنت ولا في قصات تشوف راسه تقول شوارع ولا الي كل يوم يستشور شعره والي يصبغه بنات والله موب ارجال ههههههههههههههه
ولا الدقن وما ادراك ما ادقن كل اسبوع له قصه مرى سكسوكه يوم تشوف عوراض ويوم تشوف حاط له صفر دولي يوم يشيله ويم تشوفه بس شنب ويوم تشوفه شايل الشنب كل يوم له شكل الله يستر من الجيل الجاي بس هههههههههههههههههه والله لغير يسون العجب
ولا لا شافو ممثل مملوح ومسوي هذيك القصه وثاني يوم راح قص مثله انت بالاول شايفن وجهك الي تقول براد شاهي هذاك مملوح وتزبط عليه القصه اعقب ياوجهك هههههههههههههههههههه عصبت
يكفي لهنا بس تعبت وانا اكتب والعذر والسموح ان قلت شي غلط لا سمح الله
والبنات لا تفرحن ترى الطلاق باتسر هههههههههههههههه
هذي سالفت ترى الطلاق باتسر( هذا واحد ربح له مليون ريال وراح للبيت ومبسسوط والمليون معه ويوم دخل ولا زوجته تشوفه وتشوف الفلوس معه ومتششققه من الفرحه بالفلوس وهو خاين العشره يقول لا تفرحين ترى الطلاق باتسر وثاني يوم طلقها بالعششره طلعت زوجته دابلتن تسبده )
والبنات لا تفرحن ترى في جزء ثاني عنكم بس ما اعرف سوالفك كثير وابي ادور لي مرجع ههههههههههههههه
مرى سعوديه تزوجة وراحت شهر العسل للبنان وتشوف شباب لبنان الي اشقر والي عيونه زرق والي عيونه خضر والي كول والي مملوح والي ابيض تقول قشة التاج
ولا تفكر بزوجه وتهز راسها بكل ندم وتقول : ياشين الاعجله بس ههههههههههههههههههههههههههه
تم بحمد الله انهاء العمل بنجااح
ههههههههههههههه
عاد يالله ياعجبكم ويثمر بالاخشش الي كنها الفيسات الي بالمنتدى ههههههههههه
تحياتي لكم واعذورني ع الاطاله
وتقبلو مشاركتي المتواضعه [/frame]
رد مع اقتباس
المشاركة الأصلية كتبت بواسطة ابن الزعبي
المفضلات