النيه أنسى وصوفك بس مالله قسّم
البسمة اللي على شفاهي لاهبّ الهبوب
عجزت لا القى لها .. تفسير واضح .. وإسم
حاولت ابـ الهى .. مابين الصادقه .. واللعوب
وحاولت اقسّم خفوقي .. بس ما ينقسم
من يوم ما كنت ضمن العاشقين مْحسوب
اليوم لا قلب يتحمّل .. ولامن جسم
ياهيه ... ماعاد صدري للمفارق رحوب
خذها من لسان .. من مات بغيابك ... قسم :
لو إني بخير ؟ ماضاقت جميع الدروب
مادام موضوع فرقاك .. أنقضى وانحسم
ولو ذنب ذكراك .. ما ثقّل عليّ الذنوب
ماكنت لمّا تضيق .. يضيّق فيّ النسم
عجزت لا امحي وصوفك .. عن خيالي واتوب
وغلاك موسوم .. مابين الحنايا .. وسم
عيوني .. الشوق خلاّها شوي .. وتذوب
معّ إن صورتك .. مرسومة فـ بالي .. رسم
انا لو تضيق بي دنياي .. من كل صوب
اتذكرك .. واذكر إنك تبتسم .. وأبتسم
صحيح جاملت واجد .. بسّ ماني كذوب
النيّه .. أنسى وصوفك .. بسّ مالله قسم !
. . .
اتمنى ان ترتقي لذآئقتكم
ودي للجميع
رد مع اقتباس
المفضلات