على امرك يالحبيب اللي تذكر لي طلب فرقاي
مدامك ماتبي وصلي انا وش عاد يبقيني
ابحفظ مابقي لي من كرامة وابتعد بخطاي
على درب الغياب ووين ماودي يوديني
واذا حرك معاليقي هواك وحدني لقصاي
دعيت الله يصبرني يطمن قلبي وعيني
وطلبته مثل مامكن غلاك وثبته بحشاي
يشيله من عروقي قبل نار الوجد تنهيني
وربي لو اعرف اني ابثني عزمك برجواي
اموت ولاترجيتك وقلبك مرخصاً فيني
لو انك قلتها تبغى تشوف معزتك جواي
او انك قلتها ساعة زعل والذنب كاسيني
لجيك بكل مافيني من اول داخلي لتلاي
واجي لرضاك لو اخسر من اجلك سنيني
وانا اللي منك عانيته قتل نار العتب بشفاي
غرام مات في عينك على فرقاك يغريني
حسافه كنت احسب انك تقدرطيبتي ووفاي
نعم وتقدر العشرة تجاملني وتراعيني
توقعتك تكون اخلص عشير جابته دنياي
اشك بكل هالدنيا وتبقى ماتخليني
طلبت البعد في وقت ابيك تكون به يمناي
بعد ماجارت ايامي وحارت يديني
ولا يخفاك لوعات الليال وضيمها وياي
وانا ادري مانت نافعني وجودك بس يكفيني
على كل حال ماينفع ملامي لك ولا شكواي
فمان الله ابرحل للغياب اللي يناديني
رد مع اقتباس
المفضلات