نسيت نفسي .. زلْ باسْمه لساني
و أنا أحسب أنّي قبل هذا نسيته
لا ما لقيته .. بس طيفه لقاني
رجعت لأيّــامٍ مضت من لقيته
ما أدري إذا من بعد حبي يعاني
و الاّ الوفــا أصبح جفا من وفيته؟
غريب يا وقتٍ مضى في زماني
ترجع بذكرايه كأني ابتديه
ودي أبسأل .. في زمانه هواني
و الاّ تهيّا لي يحب .. و هويته ؟!
أو زود حبّي خلّى قلبه أناني
يخطي .. أسامح .. و النهايه رجيته
يا هون نفسي لا هجرني و جفاني
يا ويل حالي لا ضعفت و بكيته
ليت الزمن يرجع يكون بمكاني
يبكي فراقي لا قسيت و جفيته
ألوم نفسي زل باسْمه لساني
يمكن تناسيت الخطا .. ما نسيته
رد مع اقتباس
المفضلات