سبعة مخالب
غادر..و تحت المطر تمشي خـطاه ويرتجف
و اثره من الفزعه نسى بعض الدموع و معطفه
ما خانـته صوبي عـيونه..في دروبـه تعتكف
كنه يوادع دربه اللي بـه حـنان و يحـذفه
سبعة مخالب للسان و يكتشف؟ مـا يكتشف
بـه فـلسفه و اللي تكلم راوغـته الفلسفه
ثقلي و باسي والصدق والرابـعه ما تخـتلف
جـرأه على حـد الصـغير المنتمي للمغرفه
و السر والصمت السخي والمشكله لو ينعرف
مخلابه السابع يجي مـن مـا يحـسه يقطفه
جرحي بدا ينزف مشاعر والمـعاني تنـجرف
ويلي مـن الاف الجـروح الحاتميه المسرفه
ماتنطفي نار القريحه والقـلم مـا يـنكسف
و الحر مـا وده جـناحه في يديـن مكتفه
ما تاصلك عملة ضميرك وان جتك ما تنصرف
لـن الخـواتم مـا تـلوح والمطالع مشرفه
توك و مالك فالجنود اللي فـدربي تـنرصف
تـوك ومالك فالدخيل اللي ملك ما يخطفه
ذاك المـطر لا مر بك تـلهث وراه وتستلف
جرعة مـعاني للضما من داخلك متـخوفه
و من غادر ومشهد رحيله داخلي ما ينوصف
كن البـطا ضـد الشريعه و الخُطا متصوفه
بعد الرحيل ومابقى مخلاب سابـع يـعترف
ان اللسان يكـفـكـفه يا وافيين المعرفه
رد مع اقتباس
المشاركة الأصلية كتبت بواسطة الاسطورة
المفضلات