يادار وين أحبابنا اليوم يــــادار
يادار وين الحب وين المحبيـــن
يادار كيف تحولت جنتك نــــــار
وتغيرت الأحوال حين بعد حين
هنا : لوقفات ( المهـــا) باقي أثـار
هنا : لعبنا بالسواقي والطيــــــن
هنا تبادلنا خفايات الأســـــــــرار
تقول لي تكفى وانا تقول تكفين
كانت تحاسبني على كل مشـــوار
كانت تقول انت النظر داخل العين
كانت تحذرني وتخشى من الجـــار
وتقول سر الحب يعلم به أثنيــن
بدا الهوى غرسه وصار الهوى أشجار
أثمر وذقنا جنـــة الخـــوخ والتيـــن
ولا حسبنـــا ماتخفيـــه الأقــــــدار
واللي جـــرى قبلنـــا للملآييــــــن
أختل قصر الحب وانهد وأنهـــار
وأصبح غباره طاير كأنه طحين
يادار ماعينت مثلــــــك ولا دار
اللي ربا بك صاحبي كامل الزين
لآجت هبوب الريح منهم بتذكـــار
أعوي عوى سرحان والناس ممسين
ولا ذكرته شب في ضامري نـــار
انا أشهد ان أهل المحبه مساكين
أسكب دموعي لأجلهم مثل الأمطار
أبكي واسوي مايسوي المجانين
رد مع اقتباس
المفضلات