انا ماهمني حزني ولاني للفرح مشتاق
ولكن ليه يادنيا اذا بضحك تبكيني
ياطول الليل يآصبحي أذا شمسك نساها أشراق
وانا لو ماخذلني النور ماكان الدرب يعميني
ولا في سكته امشي بخطوه مابغاها الساق
انا الأعمى لذاك الدرب مسافاتة تقديني
على جو الطريق أمشي ألين أشعر بأنه رآق
وأذا بين علي النور أعرف الي أنفقد فيني
انا ماشي بدون رضاي ولا أرفض على الأطلاق
لأني لو رفضت أدري تجاهلني عناويني
طريقي طالت الرحله ولا ادري وين انا منساق
ياليتك لو تعلمني عن الي تجهله عيني
طريقي مابقا فيني شعور يطمن الخفاق
ياكود أحساس ماعرفه يشابه باقي سنيني
تعبت من ( الشعر) أرسم عذاب ما رحم أوراق
تعبت ابحث عن المعنى ولا فادت دواويني
انا ماهمني حزني ولاني للفرح مشتاق
ولكن ليه يادنيا اذا بضحك تبكيني
رد مع اقتباس
المفضلات