ماني من اللي يدوّر علـوم وخبـــار ...... ولاني من اللي بكل وادي يهيمـون
ماجيت اهايط وارمي الناس بحجار ...... ولا اسولف عن سوالف يقولــــون
افكـــار جابتنــي وودتنـــي افكـــار ...... فيهـــا رســــالة حب للــي يحبــون
مرجوعها عندي اذا صار ما صار ...... وذا حبلها يلي على الحبل تمشـــون
بالدار خـــلوني وانا اكــره الـــدار ...... وشـــلون ودّي اسكن الدار وشــلون
قولولهم طير الغلى بداخلي طـــار ..... الريح ماخلّى علـــــى قلبــي غصــون
سديت اذني خوف لا اسمع اعذار...... والله فــلا ارجــعلــهم لـــــو يطيــرون
غابو وانا ارجى يجوني على نار ...... ولا هـــي غريبــه دايمــا مــا يغيبــون
اقفى الزمان وصارن همومي كثـار .... خلوني اكتب بيت من خوف ينســــون
الليل ســار وســاري الليل ماســار .... يلّي على الظلما تحبـــون تمشـــــون
دقو بنعش هذا الزمن الف مسمار ..... وابكو اذا ما شـــفتو الناس يبــكـــون
للشوق دور وللاحاسيــــس ادوار ...... ودتنـــي لعالــم على الــرف مركــون
وصلتهم مكتــوب حطــوه بالنــار ..... دقيـــــت؛ وش دقيــت عيــو يــردون
فتحت مهم خــط ســـدّوه بـــحجار ..... حسستهم بالحــــب عيـــو يحســـون
احرار لا حســـو واذا طسو احرار ..... م ايــدي على خدي مثــل ما يقولـون
العام غابو؛ واول العام، وش صار؟....... لا قامــت الدنيـــا ؛ولا إنتــــهى الكون
منقول
رد مع اقتباس
المفضلات