الشاعر المتميز : حامد زيد

[نكهة القهوة]

مسا/ صباح الخير والكلمه الرصاصه والمعنى الروح

بما اني بعتبر هالرسام بالكلمه متنبي العصر ( بالنسبالي ) اعتزازو بنفسو وحكمه بينطؤ فيها بهيك عمر بتثير العجب والاعجاب
فبدي اخصص هالزاويه الو

واول شي احكي عنو اللي بعرفوا عنو ،
حامد العازمي ،
مواليد الـ 1977 متزوج والو تلات بنات
دبلوم اداره موظف بوزارة الشؤون الاجتماعيه بالكويت
لقب بالعديد من الالقاب احلاها بالنسبالي :شاعر الخناجر
ويا ريت تشاركوني بقصائد الو بتحبوها

وبدي ابدأ بأكتر قصائدو قربا لقلبي :
" الجمهره "
\
/
http://www.youtube.com/watch?v=S-KvN...layer_embedded
\
/

إي بالله أخطو والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذرة

اللي من أولها خراب أكيد تاليها خراب
والبندقه اللي ماتثور بهدفها تذعره

ودك ليا من جاتك الغلطة من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكري قصيد وحنجرة

صوتٍ يصول منبره وخطاب مامثله خطاب
والطيبة اللي زعزعت صوت الخطيب ومنبره

مافيه دمعٍ صوبوه أحبابي بوجهي وخاب
ولا زرق حزني على غالي ولا فج أنحره

كل الزهاب اللي معي ذكرى من أصحاب الزهاب
واللي بقا لي من عذاب أشرس طريقي وأخطره

لأني تجنبت الغرق, عديت من فوق السحاب
لأن أكثر أصحابي ورق ماشفت للطيب ثمره

والله ماحطيت بين الحقد والخوة حجاب
حتى غدو ربعي يحدوني على الضيق أشكره

البارحة ثارت علي أرقاب و آوتني أرقاب
البارحة وياثقل دم البارح ويا محقره

أهب يا وجه الحسد وشلون جمعهم وغاب
كيف السنين اللي عطتني بعثرتهم بعثره

أثر المصايب ماتجيك إلا من الناس القراب
وبهالزمن حتى الخوي اللي تثق فيه إحذره

لابارك الله في رقيقٍ تزعله كلمة عتاب
ولاجمع الله الرجال اللي تفرقهم مره

عودت نفسي كل ماشددت لليمه ركاب
ماصدد وجهي عن طموح إلا لياجبت خبره

الصاحب اللي مايجي من صحبته غير العذاب
نذرٍ علي إن ماهجرني ولا أنا اللي بهجره

من يفتح لفرقاي باب أفك له عشرين باب
وإذا خويي مايقدر خوتي ما أقٌدره

إن روٌحو فأنا بريء منهم ليوم الحساب
وإن جرٌحو قولو لهم ماحركو فيٌ شعره

شفهم لهم حول السنة ولا خذو مني جواب
أحسن دوا للي يستفزك تحقـــــــــــــــــــره

ماكنت أحاتيهم صغير, عاد أحاتيهم شباب
الصاحب اللي مأذخره لليوم الأسود ما أذخره

شفني جمٌعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام و وحشته لايسهره

عقب إكتئاب البارحة ماعاد أنا حمل إكتئاب
الطيب جرجرني وأنا ماني بناقص جرجره

أنا تجرعت العطش لين إحترق وجهي وذاب
أنا كسرت بخاطري قبل الصداقة تكسره

أنا خسرت اللي غيابه غير عن كل الغياب
أنا غفرت لعالم ماتستحق المغفرة

أنا أكثر إنسان تعلم من كثر ما أخطا وصاب
أنا آخر لسان يتكلم في زمان الثرثرة

أنا القصيد اللي فزع من دفتره مليون ناب
وأنا الوحيد اللي جمع مليون ناب بدفتره

جفني وجرٌحه السهر وحيلي هدته الصعاب
دمعي هدر, ضحكي ندر, عمري وضيعت أكثره

شيٌبت بعقول العرب, هيبت روسٍ ماتهاب
جمخرة ناسٍ عمرهم مايعرفون الجمهرة

ماصرت ذيب إلا لأن اللي تحدوني ذياب
ماكنت أغيب إلا لأن العفو عند المقدرة

ترا حلاتك لاحملت لصاحبك كلمة عتاب
إن مانطقت بها بوجهه, ماتذمه بظهره

بهالزمن مايملي عيون الحسود إلا التراب
ولا الحظيظ الطلقة اللي ما تصيبه تذعره

ودك اليامن جاتك الغلطة من الناس القراب
الصاحب اللي ماكسبت محبته ماتخسره

[نكهة القهوة]

\
/
http://www.6rb.com/songs/27717.html
\
/
الحــلم

بــوقــت مــــن الـبـطــاء وبـلــيــل تـتــراقــص شـيـاطـيــنه
بـعــد شـفــت الـضـيـاء يـنــزع مـــن ثـيــاب الـمـسـاء ثـلـثـيـن

تـحـايـلــت الـمــنــام الــلـــي مــثـــل بـيــتــك تـمـريـنــه
وأنــا الـلـي مـــن تفـارقـنـا وأنـــا مـــا غـمـضـت لـــي عـيــن

غـريـبــة كــــل حــلــم يــمــر فــــ رقــــادي تـزوريـنــه
والأغــــرب كــيــف احــلــم وارجــــع احـلــمــه بـعــديــن

قـبــل يـومـيـن شـفـتـك فـــي الـمـنـام وقـمــت مــــن حـيـنــه
ونـمــت أمـــس ورجـــع نـفــس الـمـنـام الـلــي قـبــل يـومـيـن

أنـــا الـلــي قـبــل أسـافــر شـلــت قـلـبــي مــــن شـرايـيـنـه
تـركـتـه فــــي يــــدك مــثــل الامــانــه واحفـظـيـهـا زيــــن

تــــرى حــفـــظ الامــانـــه ديـــــن مـجــبــورة تـرديــنــه
أجل مــافــي احــــد قــالــك حــفــظ الامــانـــه ديـــــن

مــــارد الـمـقــفــى بـيـلــفــي ويـسـتــوفــي وتـوفـيــنــه
بـعــد لـيـلــه ثــلاثــة أربــعــه عــشــره شــهــر شـهـريــن

إذا أنــتـــي مـنــتــي بــقـــد الــكـــلام الــلـــي تـقـولـيـنـه
حــــرام اسـتـأمـنـك حــاجــه وإذا جــيــب أطـلـبــك تـنـسـيــن

تـخـونـيـن وتـبـيــن أرضــــى احــــد يــرضـــى تـخـونـيـنـه
أنـــا لاحـيــت أخــونــك مــــع حـبـيـبـه ثـانـيــه تـرضـيــن

مــن أول مــا رجـعـت مـــن الـسـفـر مـــا شـفــت لـــك بـيـنـه
وأنـــا الـلــي كـنــت أحـسـبـك قـبــل أدوس ارض الـمـطـار تـجـيـن

تكونين أنتي أول شخص عيني تحتضن عينه
وكنت اتخيلك من زود فرحـة رجعتـي تبكيـن

تبكين وأشوف بدمعتك حكيك واعرفه قبل تحكينه
وأجيب أحلى من اللي بتحكينه واتركك تحكين

تـقــول لــــي الــوطــن نــــور وأقــــول بــنــور مـضـيـنـه
تـقــول لـــي غـديــت أحــلــى وأقــــول عـيـونــك الـحـلـويـن

كــــــلام نــــــام بـشـفــاهــك وخــفــتــي لا تـصـحـيـنــه
ذخـرتـيــه الــغــرام الــلــي يــنـــام ويـتــركــك تـصـحـيــن

تـغـانـمـتـي غــيــابــي لـــيـــن رجــحــتــي مــوازيــنــه
تـعـلـم مــــن يــــدك لــمــس الـكـفــوف وعـلـمــك تـجـفـيـن

ولـيـتــك لاقــيــه بــــه شــــي فـيـنــي مـــــا تـلاقـيـنــه
مـوهــو بــغــرور لــكــن خــابــرك مــالــك أمــــل تـلـقـيـن

تلـقـيـن تغـافـلـك بــغــلا ولا الــحــلا مــاهــو بــمــن زيــنــه
تـزيـنـه الـصــور بـــس الـصـحـيـح ابــــن الــحــلال زويــــن

وأنــــا مــانــي بـنـاقــص عــنــه يــــوم انــــك تـبـديـنــه
نصـيـبـي هـــو نـصـيـبـي لــــو يـسـددهــا مــــن الـصـوبـيـن

قــنــوع بـمـظـهــري والــســـم مـــــا يــذبـــح ثـعـابـيـنـه
عـلــى قـولــة الـمـثـل مـانــي بـحـلـو لـكــن مــانــي بـشـيــن

إذا أهــــداك الــزهــر مــــره فــانـــا أهـديــتــك بـسـاتـيـنـه
وإذا إلـهــاك بــفــرح لـيـلــه فــانــا تــهــت بــكــاك سـنـيــن

وإذا اسـتـضـعـفـتــك أمـــلاكــــه وشــنــتـــك مــلايـــنـــه
أنــــا حــتــى فــتــات ألـخـبــز اقـسـمـهـا مــعــك نـصـيــن

طـمـوحــي بــــس اجــيــك واظــفـــر بــشـــي تستـحـقـيـنـه
تـديـنـيــه تـسـلـفـتـه سـرقــتــه مـــــو مــهـــم مــنــيــن

كـأنــي مـــن كـثــر مـــا أرضـــى بــكــل الــلــي تمـنـيـنـه
لــــو انـــــك تـطـلـبـيـن الله يـعـنـيـنـي بــقـــول آمــيـــن

أنـــا مـــا الـعــب عـلــى الحبـلـيـن وقـــت الـطـيـش وسـنـيـنـه
تـبـيـن الـحـيـن يـومــا أنـــي كـبــرت الـعــب عـلــى الحبـلـيـن

تـــرى عــنــد الــبــدو بــالــذات عــيــب الــلــي تـسـويـنـه
حــلاتـــك لا عـشـقـتـنــي تـعـشـقـيـنـي لـــيـــوم الـــديـــن

غــــرام نـسـكــن ضـلـوعــه حـشـيـمــه مـــــن مـجـانـيـنـه
جــفــا يـجـمــع مـعـزتـنــا ولا عــشـــق يـــــذل الاثـنــيــن

كــثـــار الــلـــي تـحــدونــي وقــالـــو لـــــي تـحـبـيـنـه
أمـــانـــه لا تـخـلـيـنــي صــغــيــر بـعـيـنـهــم تـكـفــيــن

لأنــــي كــــل مــــا قــالــوا تــخــون أقــــول مـسـكـيـنـه
عـلــيــك الله وأمــانـــه عـلـمـيـهــم مــنــهــو الـمـسـكـيــن

أنــــا خــايــف ألــيــا طــــاح الـجـمــل تـكـثــر سكـاكـيـنـه
وأنـــا مــــا عــــادة ضـلـوعــي تـحـمــل طـعـنــة الـسـكـيـن

مـثــل مــــا قــــالوا الـمـكـتـوب واضــحــا مــــن عـنـاويـنـه
لـــو ارحـــل مـنــك للـغـربـة بـاسـافـر مـــن ظـلامــك ويــــن

كـفــايــة كـــــل حــلـــم يــمـــر فـرقـــادي تـزوريــنــه
كـفـايـة مـــن تفـارقـنـا وأنـــا مـــا غـمـضــت لــــي عــيــن

قـبــل يـومـيـن شـفـتـك فـــي الـمـنـام وقـمــن مــــن حـيـنــه
ونـمــت أمـــس ورجـــع نـفــس الـمـنـام الـلــي قـبــل يـومـيـن

[نكهة القهوة]

الأسطوره

http://www.6rb.com/songs/27715.html
\
/
ماتــقبـلت الفراق وما ليدي فيه حــيله
آه لو ان الظروف المقبله تكشف قدرها

لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها

ما هقـيت الليله اللي جابت الفرقا طــويله
لين صارت ليلة امس بعيني اطول من شهرها

والعذاب اللي يذوب بـعين من يفقد خــليله
عندي اكبر من عذاب العين لو تفقد نظرها

والــحبيب اللي صدوده مثل مداته جزيــله
صد عني واعرفه لو صد عن حاجه هجرها

كن روحي يوم حست في جفاه وصعب نيــله
بشرتني بالضياع وشدة العزم لسفرها

مــا رحمها من هلاك وما تقبّلها دخيلـــه
تحتضر قدام عينه لين ماتت من قهرها

عاد ليت اللي ذبحها وارهب الموت بوسيلــه
ما دفن وجه الضحيه والسكاكين بنحرها

لــيت قلبه يوم سوى فعلته كمّل جميــله
لو غسلها من عروقه وبكفن صدره قبرها

من حـفر بضلوع قلبه حفرةٍ تكفي قــتيله
ليه ما يدفن قتيله بالضلوع اللي حفرها؟

اشــتكيته لـلرفوف وللبراويز الــهزيله
وانذعرت من النياح اللي سمعته في صورها

رحت اسولف للجبال الصم عن قصة رحيله
ما تركت متونها الا ينحت الدمع بصخرها

واحدٍ حقق جماله كذب اساطير الف لــيله
يسكن السبع البحور ويحبس الحور بدررها

الدروب بــكبرياها ترتجف تحته ذليــله
والورود اللي تقبّل خطوته تنبت بأثرها

والغصــون اليا بغاها تنثني لــه تنثني له
والفياض ان حب ينثر عطرها يلمس زهرها

لو يصـوّت للغدير المنجرف جفــف سبيله
وان تبسّم للجبال الصامته نطّق حجرها

كل حاجه تستــوي له لي بغاها تستوي له
بالنظر واستغفر الله لو بقول : انه سحرها

ذاك لو بس يتمنا فاكهة شجرة ضلـــيله
بس يفتح راحت ايده ويتساقط له ثمرها !

كـن ربي سخر له المعجزات المستحيــله
واصبح اسطوره وكل الالسنه تنقل خبرها

هان محجر دمع عيني لين جفّف سلسبيــله
والتفت لأخير دمعه قبّلت يده ونثرها

دمعةٍ كن بشقاها يوم طاحت في شلـــيله
جادلٍ جات بدويٍ تطلب الستر وسترها

له علي انه ليا من طاح من عيني تشـــيله
ولي عليه انه يرجّع لابتساماتي ثغرها

لو طعوني بالسكاكين بيده تشفي غلـــيله
لاشتريها من عذابي وادفع بدمي مهرها

واطلبه ينهال فيني طعــن لين يطيح حيله
بس لا يترك عيوني تنحرم نعمة بصرها

له بعيني مثل ما للطهر بــالنفس الاصيله
تقطع يدين الردا لو مس شعره من شعرها

مابغيته غير دربٍ شتّــت اقدام الــدليله
مزنةٍ ما بللتني واستحيت اطلب مطرها

والعطايا من يدين الخلــق للطالب قــليله
والوهايب من يد الله للعباد اجل وأرها

وان نسيت اني زرعت العشق وحظوظي بخيله
ما نسيت ان العطايا تستحق اللي شكرها

صعب تلقى شخص وافي يجزي الطيب بمثيله
والعرب قد قالت ان : الناس ما خلت قشرها

[نكهة القهوة]

التمثال

http://www.d1g.com/a9waat/show/2087765
\
/
عفا الله عن خطا غدر الخناجر والضلوع ابطال
بسامح وتركك تحت الظلام الحالك الحالك


دخيلك وفر دموعك ترى هذر الدموع اذلال
ترى ومافي احد يصبر مثل صبري بغربالك

انا عيب علي أنقظ كلامي والرجال افعال
واذا قلت بقطع احبالك تراني بقطع احبالك

عشان اكسب هدب عينك تجرعت العذاب اشكال
وليتك ترأف بحالي علشان ارأف ابحالك

مسوي في حياتي شي ما يذكر ولا ينقال
حشى حتى العدو وهو العدو ما يعمل اعمالك

تمسيني على الهم وتصبحني على الغربال
تقلطني فناجيلك و تقصر عني ادلالك

تحملت التعب لجلك وانا حملي يهد اجبال
رحلت من العذاب وما وقفت الا على جالك

علامك كل ماجيك متواضع جيتني تختال
معاك الى متى بصبر وصبري معك يحلالكـ

مثل ما أقبلت لعيونك لزوم تلدلي بقبال
ومثل ما قد حشمتك حس واحشم قلبي اشوالك

انا ماحد بجابرني اساير معك هالمنوال
ترى لا ني تبيع لك ولا ني اصغر اعيالك

انا جيت اعشقك نبض ومشاعر ماعشقك تمثال
انا جيت اسكنك وحياك و أبقى فيك و أبقالك

انا جيت بضمى عاشق تعب يطرد سراب اللال
انا جيت استفز ارضاك من فرقاك والجالك

انا ماهمت بك عاقل انا كنت اعشقك بخبال
انا ماكنت احبك حي انا كنت اعشقك هالك

تخيل من كثر ما خاف تلقى للزعل مدخال
اخاف اخطي على طيفك وادوس برجلي ظلالك

تبعتك والعرب تتبع رعود البارق الهمال
وانا شفت المطر يتبعك في حلك وترحالك

كأن ان اللي خلق حسنك خلقني مع جسدك ظلال
وصرت اقرب جسد يمشي معك بكفاك وقبالك

ابي قلبك يحس انه فقد بمحبته رجال
ملكته من هدب عين وخسرت ارضاه بهمالك

صحيح ان الفراق اقسى ولاكن الوصال امحال
وانا صعبن علي ارضي غرورك واضعف اقبالك

بعد ما حققت عيني فبعدك للرقاد امال
أعاود للسهر ياخوي فال الله ولا فالك

ببدل نظرتك فيني وجيلك كل يوم ابحال
بكون اقرب من اثيابك عليك ولا تهيالك

بلمك وانثرك وجمعك وارجع وانثرك بهمال
بخونك و ازعلك و ارضيك وازعل منك وارضالك

أبرسم بالثرى وجهك و بدفن صورتك برمال
ابشكي للعرب فرقاك وضحك عند عذالك

ابهديك الوصال فراق و اهديك الفراق اوصال
بسوي مثل ما اشوفك تسوي وفعل افعالك

علشان تعرف من فينا زعول و من فينا وسيع البال
ابيك تذوق فنجالي وانا بذوق فنجالك

نصيحه واحتفظ فيها قصر معك الزمن او طال
ابيك تسمع كلامي زين و تحطه على بالك

اذا حبك اهبال اطفال لك عندي هبال اطفال
ولا وابشر بعد بهبال حب ماهو بهبالك

واذا قصدك تهين اسمي علشان تشمت فيني العذال
حشى لا انت ولا غيرك ولا عشره من اشكالك

[نكهة القهوة]

الشعراء

http://www.6rb.com/songs/27720.html
\
/

مابقى الا سود الايام تحرمك الرقاد
كيف الاوهام اتجرأ اتسريك مغبون

من متى تجزع من الدمع وتخاف البعاد؟
من متى تقفي بك ظنون وتجيبك ظنون؟

صرت تاخذ كذبتي صدق، ومزاحي وكاد
لو بقول اني بخونك تحسب اني بخون

ماتعرف ان كل شاعر يهيم بكل واد؟
وانهم دايم يقولون مالا يفعلون؟


ابك انا لاقلت ابنساك وانكرت الوداد
والله اني مانسيتك وولاهم يحزنون

من جزع من صفعة الشمس يطمع بالبراد
ومن فقد وجهاته الخمس يلقى بك ركون

اعتبرها هفوة انسان او كبوة جواد
لو بتسمح فانت غالي ولو تجرح تمون

عد صداتك مروة وطعناتك ضماد
خلهن لاراحن طعون ولا ردن طعون

خنجرك يستاهل الطعن ومتوني شداد
ومنك يازين الخناجر ويا بخت المتون

ردلي حنية المزح باحساس الجماد
خلنا واحد يجي صلب والثاني حنون

موت فيني واندفن فيك بثياب الحداد
وان حييت أموت لرضاك واحيا بك بهون

مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون

ادري ان شجونك شجون واعنادك عناد
والبلا ان عنادك عناد وشجونك شجون

ربك اللي سخرك لي تقود وما تقاد
والله الخالق ولله في خلقه شؤون

ازرع ضلوعي من رضاك وابشر بالحصاد
لعنبو من جيت ترضيه وترد امحزون

بس تسوالك بلد ؟ قول تسوالك بلاد
انت كل العالم بكون ولحالك بكون

مابعد محبتك حب ومرادك مراد
غير كونك سيد حشاي تدري من تكون ؟

نعمتين اختصوا الخلق من جود الجواد
كافل الأرزاق من حيث مالا تعلمون

البنون ونعمة المال بعيون العباد
زينة الدنيا بلا شك في كل العيون

مثل زينة دنيتي بس عندي شي زاد
من عرفتك صاروا المال وانت والبنون

انتشي بك نشوة التيه لعناق الرشاد
وافزع الك فزعة القرم لشهاق الزبون

واحصنك تحصين الأرزاق عن درب الفساد
واعشقك عشق المظاليم لفراق السجون

لو تزيد الشوق جمرة تحولني رماد
لو يزيد العشق شعرة بوصل للجنون

خل هقواتك كبيرة ونظراتك بعاد
كانك انت بكبرك تهون من اللي ما يهون ؟

ازعلك وارهن حياتي تحت رحمة زناد
تهبى لا والله الا انت والموت تهبون

عاد اذا ما ارضاك هرجي ولا اللي قلت فاد
اننا لله وانا اليه راجعون

وانت باكر بتعرف على ناس جداد
والكلام يجيك من كل شكل وكل لون

لاتحسب ان كل كلمة بتسمعها وكاد
ولا تصدق هرج شاعر وتخدعك الظنون

دايم اعرف كل شاعر يهيم بكل واد
وان هم دايم يقولون ما لا يفعلون

حتى انا اللي قلت اعشقك وما اطيق البعاد
يمكن اطلع ماعشقتك .. ولا هم يحزنون

[نكهة القهوة]

قدها وقدود

أنا ربتني الدنيـا علـى جـزل العطـا والجـود
ونفسي للوفا والطيـب وفعـل الخيـر جزامـه

وأعارض منهج الهابط وأوافق للصعود صعـود
وأسيّر نفسـي بعقلـي مـدام النفـس هدامـه

ولا تثّر بي البسمة ولا كحـل العيـون السـود
ولا يقوى على قلبي صغير الحسـد وأجسامـه

أردّ الجود بأمثالـه وأقابـل بالجحـود جحـود
وترى لا خير في رجلٍ يوطّـي للـردى هامـه

وعندي مع أهل العِليا مواثيـق وثـلاث عهـود
أوفـي لـه مطاليبـه وأودّه وأرفـع أعـلامـه

أعايش مركب الدنيا على متـن القـدر مولـود
أبعرف هو صحيح إنّ القدر بالنـاس دوّامـه ؟

ومن وين الزمن مقبل وإلى وين الليـال تقـود
ومن في هالزمن يقـدر يوجّـه خطـوة أقدامـه

ومن له بالزمن غاية ومن عنده هدف منشـود
ومن منّا قـدر يعـرف خفايـا مقبـل أيامـه ؟

عرفت إنّ الشقا باقي ، عرفت إنّ الحسد موجود
عرفت إنّ القدر يفرض علينا بأسـوأ أحكامـه

لقينا بالعرب حاسد وشفنـا بالعـرب محسـود
وبه ناسٍ لنا ضامت ، وبـه بالنـاس منظامـه

وينقص بعضنا خـوّه وينقصنـا وفـاء وعـود
مـدام الحسـد باقـي وبعـض النـاس نمامـه

ولا ترجى بها الدنيا من ربوعك يجيـك اسنـود
ولا تشره على رجـلٍ عيونـه خانـت أقدامـه

وقابل خطوة بخطوة وجازي بالصـدود صـدود
تناسى غلطة الصاحب عليك بلحظـة اخصامـه

ولا تخطي ترى لصبر الحليم اليا سـلاك حـدود
تروّى واعرف بضرب الحديـد تفكـك لحامـه

تجنب كسرة الخاطر ولو حبل الزعـل مشـدود
تراك بكسرة الخاطـر حكمـت القلـب بعدامـه

ولا تزعل على رجلٍ بذل لك ولرضـاك جهـود
ولا تامن من الحاسـد رضـاه ورفعـة ابهامـه

نبي نصبر على الدنيـا قلـوبٍ بالحيـاة زهـود
مدام إنّ البخت عيّـت توّفـق رمعـة سهامـه

وأنا ما قلتها راجي ولا أطلـب بعدهـا مـردود
ولكـن الفتـى ودّه يحقـق جمـلـة أحـلامـه

وبمشي لآخر الدنيـا ولـو كـلّ الأنـام اقعـود
وعن وجه الزمن بكشف حقيقه وأرفـع الثامـه

صحيح إني صغير السن ولكـن قدهـا وقـدود
وأنا عندي مع الدنيـا مواقـف ترفـع الهامـه

طموحي يملـي العالـم ولابـه للطمـوح قيـود
مدام إن الأمل طبعي ( عرين وصرت ضرغامه )

خلقنا الله من ترابه ولأحضـان التـراب نعـود
تحت رمل الثرى نبقى تغطـي جسمنـا خامـه

سلفنا ما لحقناهم تحـت قـاع التـراب رقـود
ولا يبقي من الميـت سـوى ذكـراه وعظامـه

ولو طال العمر فاني وترى عمر الفتى محـدود
وكلٍ يطلـب المولـى يبيحـه يحسـن ختامـه

وأنا بلّغـت بلسانـي وربـي والأنـام شهـود
وصحف البيّنة جفّـت وعنهـا رفعـت أقلامـه

[محمد الدراوشه]

الف شكر على المجهود القيم والرائع
يعطيكي الف عافيه

[نكهة القهوة]

الف شكر على المجهود القيم والرائع
يعطيكي الف عافيه

شكرا محمد

[الاسطورة]

جميلة جدا
انتقاء رائع وذوق اروع
ربي لا يحرمنا مواضيعك
وفقك الله

[نكهة القهوة]

جميلة جدا
انتقاء رائع وذوق اروع
ربي لا يحرمنا مواضيعك
وفقك الله

كل الشكر للأسطوره الطيبة