ديوان عاشق القافية (رحلتي بالشعر)

[ثبات مشاعر]

قصيدة
غرام العاشقين

طلبت الوصل شدتني الثنايا صدق القول
ذبحني الصبر يا شينة كفاية عناد


قالو الصبر مفتاح الفرج مصيرة يزول
كل ما نويت انساه يذكرني الوداد


واتذكر شلون عرفتة حسب الاصول
ما وعيت الا والعشق عاد


حين كلمتة التمس خفوقي صار مقتول
ردلي بسمة شفاتي يومها الفرح ساد


دنيا بلياه تشبة يتيم الام مشلول
وانا بلياة الدمع طاح الخد تحول رماد


بسمة أمل عشانا ساعه القمر يجول
ماهو بكيفة وقف!غصب لاحلى العباد


اضحك وحالي يرثى لها ليتك تقول
منهو انا بدنيتك قبل ارتدي ثوب الحداد


ما همني فرق العمر حبيتك وانا المسؤول
عشقتك حين شفت غلاتي تنصاد


صادتها عيوني احتوتها اظلعي من ذهول
شفت الحب يسري في عروقة وله ميعاد


اعتيادي اصبح على خلي واحكيلة كلام معسول
صباح الورد والياسمين يا عشرة الزاد


وردة بساتيني اشوفها بكل الفصول
يشرفني ربيع العمر واحساسي لا نقص زاد


يا غرام العاشقين لو حبي يطول
بسهر اعد الثواني بشوق الفارس للجواد


واطلب الوصل وافدية مر الايام والحول
يا زين الوصايف ويا زين العناد

[ثبات مشاعر]

قصيدة
يا علي

جيت اوصفك وشلون ابي اوصفك بأعجـاب
بالحـلا والا الـغـلا يــا ورد وزهــور


بولـع لـك القلـب قـلـب لعيـونـك ذاب
وافتح لك ابواب الخفوق واسقيك حبي بحور


خفيف الروح احبـك كثـر عيـون واهـداب
كثـر النجـوم كثـر الشجـر كثـر الطيـور


اعشق كلامـك اعشـق سؤالـك والجـواب
ريض القلب من وجنتـك ضحكـة وسـرور


رقة كلامك صوب مسمعي سهـم لـو صـاب
ابيـك يـا علـي تملـك القلـب مـآمـور


احبـك قبـل احبـك يـا زينـة الشـبـاب
وابي من احساسك يبني لاحساسـي قصـور


يسكن قلبك الدافـي نبـض عاشـق أحبـاب
يـا مهجتـي حبـك علـم ونـص دستـور


انـا ضحيـة عواطفـك يـا رنـة الربـاب
لحنك سطا جوفي استوطن من نبضي شعـور


تلفـت انظـار العـذارى بنظـرة اعـجـاب
ويلي على خد(ن) يسـوى أبدنيتـي مهـور


تـدري وش شغلتك؟انـك للقـلـب بــاب
ومن أدمن على دقتك! تراه بالحيـل معـذور


ربحـت العلـي والله اللـي نـزل الكـتـاب
اربحك ثم اربحك لانك ترى شمس(ن) ونـور


انا ذبت بوجـودك يـا علـي انـت جـذاب
سحرت العقل بحلاتك يا كوكب(ن) حولي يدور


كيف اوصفك يالغلا وانته عيوني والاهـداب
فيـك الوفـا فرحـة هنـا وانغـام وسـرور

[ثبات مشاعر]

مرثية
ابو فادي

زادت كتايم النفس عقب هذي الفجيعـة
قدر ونصيب مكتـوب والمـوت محتـوم


كم سمعنا من فـراق الحبايـب للطبيعـة
وجميعنـا لله راجعـون والحـظ مقسـوم


بو فادي فارق فصول السنة بأول ربيعـة
كم سـوا علينـا غيابـة دمـع كتـوم


والله ما نسيناه لو ينسى القمـر الطليعـة
ضقنا من الخبر حيل وضاقت بنا الهـدوم


جمعنا الحزن بكف والاخرى وثايـق بيعـة
اشوفة بالامس بعيوني والايام تذكره بالدوم


يالله وش عاد بقـى لـي بقلبـي اذيعـة
حتى قصيدي تعزة وتبكـي عليـه نجـوم


اعزيكم بالفقيد قبـل لا عـزاي اشيعـة
يا عساها خاتمة الاحزان والفرحة تـدوم


نذكرة بالخير وندعيلـة برحمـة وسيعـة
يالله يـا رب يـا حـي يــا قـيـوم

[ثبات مشاعر]

قصيدة
شكيتلك لانك بشر

تـوك تقـول لـي واثـق وانـك مجربنـي
وانـي احـس مثـل مـا يحـس البشـر


توك خابرنـي شاعـر والقافيـة تسحرنـي
وان القلـم يكتـب ويفـيـض الحـبـر


هانت عليك عشـرة عمـر ليـه تصدقنـي
لحظـة تبـي تنسانـي وتنسييـن العـمـر


ما هنت بك زايد ذكائك كـدت تنحرنـي
وتحـرم حمـزة شوفتـك مالـك عــذر


لـو لـي بكـلام الغـدر لا تطاوعـنـي
هذا كلام القريـب هـذا كلام(ن)جهـر


وش لـي لـو اقولـك انـتـه تعلمـنـي
درس(ن)اخذتة ولك منـي زيـادة شكـر


مـا اثـق بأنسـان لـو وثيقتـة تقطعنـي
ترميني واد الخواطف ويعتريني ثـوب الغـدر


يلهمني بأحساسة تجاهي واحساسة يكذبنـي
ينتظر لحظة عواطفـي تزيـد أمـن القهـر


ما الومك لانك سمحتيلي اشكيلك سر متبعني
والشكوى لغير الله مذلة شكيتلك لاكن بشر

[ثبات مشاعر]

اجمل ما كتبت
قصيدة هذا قراري

تجربة جرعتني الحب حرمت اكررها
ذقت منهـا العـذاب انـواع بالاخـر شفتهـا تـواري


ريت ما عرفت المشاعر ولا رواني نهرها
الله يقدرنـي بحياتـي مـا اجيـب لهـا الطـاري


قبل الوداع بسمعك ابياتٍ وافهـم امرهـا
هـذا الفـراق اختيـارك حشـى ماهـو اختيـاري


لبية يالموت بعد المحبة غظـت نظرهـا
لبيـة يالقهـر يالحـزن ريـت مـا تنطفـي نـاري


اشهد انك اول محبة أبدنيتي واخرها
ليـن اشـوف حالـي بتابـوت افكـر بغييـر اختيـاري


صدقيني حلمت كثير انك عروس ناظج ثمرها
قطفتك براحة كفوفـي خوفـي تبكـي ازهـاري


بأيدي جنيت لاكن حياتي ابتديت ادمرهـا
هـذا درس اخذتـة جاهـل بالحـب هـذا قـراري


بهدم ما بنيتة بخيالي واعيش ايامي وقهرها
بغير نظرتـي للحـب لـو ينبـاع مانـي بشـاري


حسيبك زمانك رميتني بالنار تحسبنـي جمرهـا؟
انـا بشـر حسـاس ليلـي يشابـة نهـاري


دامك لغيري!لعبت بي لعبة يا كبرهـا
ليـه اجبرتنـي علـى حبـك وانـا معـرف اجـاري


تخيلتك درب العشق لعيوني على مـدة بصرهـا
شفتـك ولا كنـي شفتـك ملكـت افكـاري


عفالله عن تلك الايام خسـرت انـا قمرهـا
مـا الومـك لاكنـي جاهـل والجهالـة بـداري


ازينها على كيفي وارسمهـا واصورهـا
وازخرفهـا وابروزهـا علـى صـدري افتخـاري


بكيتني بساعه ضحـى والله هـذي اثرهـا
كـن دقـات قلبـي سرعاتهـا جاهـل انفجـاري


بالعقل تجرحني وانا الحسـاس مـا امررهـا
علـى قبـري مـا انسـى كلامـك الضـاري


فرصة سعيدة اتمنالـك حيـاة وانتـة عطرهـا
يـا اول حـب واخـر حـب لقلبـي يبـاري


بهديك بقايا مجاملتك لي عمـم ذكرهـا
وان كـان قدملـك مهـر المـاس مهـري اشعـاري


لو كان جمال واخلاق عزوتة ينشد بظهرها
ماني ناقص عنة وازيدك فرضي والسنـة اجبـاري


ان اهداك الزمن لحظة اهديتك ازماني ودهرها
بأختصار كنت لحياتي روح هذي احدى اسراري


الحكي مـا يـرد المفـارق وينـك يـا مفسرهـا
ولا الدمـع ينفـع لا قلـت لـه اعـذاري


بقا لي معك فكرة لاطباعي امانة تذكرها
خلني ارصد نصيب المفـارق فـي دفتـر اشعـاري


لا تظـن الريـح الهزيلـة تعصـف بحرهـا
لاكنـك هزيـت كيانـي ولا رأفـت بـقـداري


يا زينك تقول منهو حياتي ملهب جمرها
ادرجتنـي اقـول كلمـة يعشقنهـا جميـع العـذاري


ابتليت بك غلطة بعلن مجافاة عيني لفجرها
وشهو ذنبـي تحـرق لـي بساتيـن كلهـا غـاري


وهمتنـي قبـل التحـدي انـك عينـي ونظرهـا
بلسـم جروحـي مداويهـا زينـة حـواري


تعودت تفارق احباب وتموجهم بالدنيا وبحرها
شوف هذا يمينك الساعـي وشموخـي يسـاري


طويت لي صفحة كتابـك خطـي اسرهـا
مـا ظنـي بـك ساحر!الايـام كشفـت اخبـاري


ما هقيت مسمعك يطربه الحاني بحلوها ومرها
لاكـن بـي تأكيـد اليـن انـك تقبـل اوزاري


خلاص بعتزل الدنيا وما فيها اولهم اللي كدرها
انتة يا طعنة السكين يا جـرحٍ بالحشـا سـاري


انا حساس ذكرتها كثير والكلمة ما تقدرها
جرحتني وبكيـت عينـي حسيبـك ربـي البـاري


تجربة اولى وتفشل؟حرمت ما اكررها
خلني عايش وحيـد والقلـم شريكـي وهـذا قـراري

[ثبات مشاعر]

قصيدة
المفارق عزة النفس تخاوية

سألوني شفيه الدمع يذرف والقلـب ذايـب
واليـآس حطـم كيـان انسـان نـزيـة


أصرفتهم بالقول بذكـر جـواب خايـب
والكذب ما ينجي صاحبة والصدق ينجيـة


أجبرتني ظـروف الزمـن افـارق حبايـب
حبيتهم وكاد الحـب يرمينـي فـي واديـة


فـراق الغـلا زاد بـي الشيـب شايـب
جفت دمعة عيوني كثر مـا كانـت تبكيـة


احساسة تجاهي لمسنـي وسوانـي عجايـب
كان يبغا الحق مالـه ذنـب بالـي اساويـة


طيرٍ بلا أجنـاح فريسـة سهـم صايـب
وكم مـن طيـرٍ فـارق سـرب مخاويـة


وكم عاشق هلك نفسة والحبيـب غايـب
ومـن الحـب مـا قتـل نفـس مغليـة


وكـم حبيـبٍ ناظـر عيـون القرايـب
وانا في ابيات القصيـد باخـذ عـزا فيـة


وكم قافية انساقت من جوفي الذي طايـب
وكم هم انذكـر وكثـر البعـاد ينسيـة


كـل هـذا انـا تذوقتـة ابـلا سبايـب
تم المثل (المفـارق عـزة النفـس تخاويـة)


قولـوا لـه انـا منـة الـيـوم تـايـب
لرجعتة لـو ملكونـي الكـون ومـا فيـة


ما ارجـع لـو تحولـتِ ملكـة عذايـب
واللي باع اخوة عند الكرامة ببيعة وما اشترية


ولا يغره كثـر دمـوع عينـي سكايـب
رمـش عينـي لا جـا بعيـنـة يبكـيـة


عزيز النفس والي يمسنـي ارجعـة مصايـب
هل كيف انتظـر جبـر الخواطـر تقوليـة


صدق من قال عجايب كل هالدنيا عجايـب
واللـي مـو عاجبـة والله مـا اطـريـة

[ثبات مشاعر]

قصيدة
عذراً لا يوجد لديك رصيد الكافي

عـذراً لا يـوجـد لـديـك رصـيـد كـافـي
لإتمـام مكالمتـك يـرجـى شـحـن جـوالـك


لـو تـدري هالمزيونـة أن أتصـالـي بالفيـافـي
كان ما قاطعت هرجـي وقالـت كمـل أتصالـك


حينها جاني بالغلط مس كول ظنيتة صديقـي لافـي
وأنه رقم أشكـال اللـوان صاحبـي قـال نيالـك


دق الـرقـم كلمـتـة قــال لــي العـوافـي
وأنه أنواع مـن الدلـع سألتهـا كيـف أحوالـك


ردت بخيـر وحابـة تعـرف بكلامهـا الـدافـي
دقدق خفوقـي قلـت تدللـي وش علـى بالـك


قالـت أسمـك وعـمـرك والوظيـفـة مـافـي
قلـت حمـزة فـوق عشريـن مــن أجيـالـك


أملـك أحسـاس ومشـاعـر وأوزان وقـوافـي
فرطت بضحكاتهـا قلـت هـذا الصـدق جالـك


أحـب الشـعـر وأبيـاتـي عـسـل صـافـي
يقـدر يذوقـة لسانـك لا جـا علـى بـالـك


سَمعتـة مــوال آآآه يــا لـيـل التجـافـي
ويـا ريتنـي ألعـب بالوتـر عـلـى مـوالـك


قالـت تحـب قـلـت أنــا بالمحـبـة وافــي
وسهلة أروض مهره لـو صعبـت علـى أخوالـك


قلـت العـشـق يملكـنـي ولقلـبـي الشـافـي
ما غيـرة يـروي ظمـاي لـو كثـرت أدلالـك


قالـت ريتنـي نصيبهـا قلـت الزمـن خـافـي
حتـى لـو قلـت أحبـك والقلـب يحـلالـك


أنــا أطـيـع قلـبـي لا مـشــا حـافــي
وماسمـع كـلام العاذليـن وأطـلـب وصـالـك


الظاهـر أنهـا أفلقـت مـن قلـت كـذا كافـي
قالـت الصبـر زيـن قلـت الـوقـت هـالـك


ودعتهـا لحيـن امــلأ رصـيـدي الاضـافـي
وانة المزيونة تزغرد تقول الحبيب نايم ولا يمكن أتصالك

[ثبات مشاعر]

قصيدة
حاول لا تحداني


كثير اللـي تحدونـي ويغلبهـم احساسـي
منهم الذي حاول مـن كلامـي يستخـف


انا شاعر والشعـر مشـروب فـي كاسـي
غصب(ن) عن مشاعرك الذليلة بمتلكة بكف


انا شاعر اعاشـر اليتيـم وبحزنـة اواسـي
واتبنـا كيانـة لـيـن دمـعـة يـقـف


اكلم البحور ويطيعني مراكبهـا والمراسـي
واذكر انـي مـع الاوزان لحـن وعـزف


انا مـع الفـرح افـرح وكـل حواسـي
ويطيعنـي دمعـي مـع الحـزن ويـجـف


أطيـر بالسمـا كمـا طـيـر قرنـاسـي
وانا كلمتـي دايـم الـدوم اول الصـف


انا سيرة عاشقين كثـار تطربهـم انفاسـي
وانا بلسم جراح الجرح ذاتـة ليـن يعـف


انا مـع المظلـوم ومـع حلمـة القاسـي
وللظالـم سيـف طعنـة مــا يـخـف


لا جيت علـى الجـرح يبـرأ ولا باسـي
واداوي سموم الثعابين الـى منـه ينصـرف


انا من ملكني ملكتة واعينة مالك سواسـي
ومن باعنـي بعتـة وبأسمـة مـا اعتـرف


انا شاعر والمشاعر فينـي تحـدت اجناسـي
حتى القوي كلمتة على طرف لسانة تـرف


حاول لا تحداني ولا رسمتـك فـي راسـي؟
بخسرك وأهديك حياة ذليلة تهنى بها واستخف

[ثبات مشاعر]

آآه من غرورك متعبني

في غربة ايامي.. بينما انا بين الحل والترحال
اذا بكِ لا تغيبي عن خاطري لحظة .. اتذكر
ايامي معكِ أعيد تكرار الأيام الجميلة في مخيلتي
واذا بها تزداد جمالاً من سابقتها ..

يا الكبرياء ..

نظرتك تكفيني والله تكفيني..
همسك يسليني ولعالم ثاني يوديني..

يا الغرور ..

حديثك يخليني أنسى سنيني..
بينك وبيني..أبيك وانتي تبيني..

طفلة ..

عرفتك طفلة حبيتك وكنتي تنامي على يديني..
مرت ايام وشهور وسنين..وبدقات قلبي تجيني..

صمت ..

صمتك..كلامك..سكونك..غرورك..كبريائك..يسلي ني..
صمتك..يرويني
كلامك..يريحني
سكونك..يطمني
غرورك..آه من غرورك متعبني
آه صبري ارتوى يا صمتي
من كبريائك اللي يشرفني ..

[ثبات مشاعر]

اهداء متواضع الى فتاة
اجهل عنها كل شي


علمتيني اصوغ الشعر واجمع ابياتة
دام الشعر حرفـك دمـتِ قوافيـة
نثرتي بطريقي بيـتٍ يـا حلاتـة
الاردن بشمالها وجنوبها بالدم تفدية


علمتيني كيف التواضع يكون
ومنهو العاشق المفتون
سحرتيني بكحل العيون
عقلتيني وانا المجنون
شفتي المجنون كيف يكون؟؟
عقلة طاير
كلامة حاير
دمعة ثاير
زمنة جاير
معقولة صار عاقل ؟
كيف والله خلقك للدنيا بشاير!!
سألتك بربك البسة على شفاتك وش اسبابها
قلتي بصوتٍ حنون
شعارك شفاة تضحك ولا عين تبكي
ولا قلب
يشكي
علمتيني كيف اكون فنان واغني مع الحانك
علمتيني اكون انسان من قصة ازمانك
عذرتيني وانا الغلطان
عذرتيني بقلبك والسانك
أبذمتك!!
قلبك ما يحمل على حد
ولا يخلط المزح بالجد
ولا جيت اقولك عشقت حروفك
يعني عشقتها
كلمة بأحساسك ترجميها
تذكريها لا تنسيها!
وهي ايه عشقت حروفك
خذيها
بروزيها
احظنيها
كلميها
انثريها وردي اجمعيها
دمريها وصلحيها
اعشقيها
خزنيها
بالقلب علقيها
ولغيرك لا توريها
منهم من حسد حرفك عليها