من عز نومي صحيت وشفت في عيني دمع تهادى على جفني
وانا غافي سترت دمعي بكمي قبل يغريني
واخذت هذا الجسد من باقي لحافي .....وسريت تايه ورى خطوات رجليني
لا الوجه وجهي ولا الاوصاف اوصافي ....امشي واقول لطريقي لاتوديني
لعيون ناس تبي تدري عن الخافي ....ماودي الناس تدري وش يبكيني
كرامة النفس ورث ابوي واسلافي...امشي واحس الخناجر في شراييني
البرد يمشي وراي وينهش اطرافي... الين ما اوحيت يناديني
صوت اعرفه مثل مااجهل وش خلافي ...قمت اتلفت وانادي لاتخليني
ماغيره الصوت هذا صوته الدافىء....ولمحت زوله من اقصى الدرب لاقيني
مدري وش اقول :
لكن حي هالافي ....تعال شف غيبتك كيف اثرت فيني
تعال شفني وانا اغرق عقب مجدافي ....تعال واقطف بصوتك زهرة سنيني
كل المواعيد عقبك شمعها طافي ...تعال وشفيك خايف ؟
انت ناسيني
قطعت صوتي عليك وطال ميقافي ...حتى بديت اشعر ان الحب معميني
ان انت حلم عثى فيني وانا غافي ....بصدق الحلم واحذر لاتصحيني
في خاطري كلمتين ان قلتها كافي.... امانه الله عليك ان غبت عن عيني
لا يكون قلبك مثل قلب الزمن جافي... مع كل دمعه تذكر رعشة يديني
ومع كل ضحكه تذكر قلبي الوافي
امانه لا تخليني
رااااااااقت لي
رد مع اقتباس
المفضلات