نجي على الدنيا نصرخ
من لحظة ماننولد
والام بهالصرخه تفرح
وتساءل بنت ولا ولد
تاخذه في حظنها بحنان
تشوف بعيونها الامل
والاب يهمس بالاذان
هذي فرحة الاهل
ابوه متلهف عليه
وخايف اكثر على الام
يقول ابشوفه ابيه
وكلمة بخير له تهم
وام امه تحس بسرور
تشوف فرحة بنتها
تقول هالدنيا تدور
هاللحظه مرت وشفتها
في غرفته كرسي ولعب
ورضاعه ومصاصه وحليب
ولامنه حس بتعب
جابو له احسن طبيب
ذا يجيب له دبدوب
وذا يجيب له بالونه
والطفل توه يادوب
صغير ويبون يمشونه
يمر شهر وتمر سنين
وهذا الطفل يكبر
واهله به فرحانين
وبه العمر يزهر
واول يوم في الروضه
مثل العصفوره تغرد
وتكون الام محضوضه
لهلحظه الحلوه تشهد
تشوف بنتها الحلوه
تركض تتغنج وتتدلع
جعل عمري لها فدوه
من الفرحه عين امها تدمع
تغمض عين تفتح عين
تلقى بنتها كبرت
وصار عمرها سبع سنين
حمدت ربها وشكرت
تجهز لها المريول
وتسرح شعرها بيدها
وفنفسها هالام تقول
ياربي بنتي اسعدها
تدرس اولى وثاني
وثالث ورابع وخامس
وسادس والعمر فاني
سنين كنها قبل امس
تكبر بنتها وتحلو
وتوقف في وسط الطابور
وبنتها الطفله ياتو
والخطاب عندها بالدور
ابوها يرفض ويقول
خلوها تكمل دراستها
يبي يكون عنها مسئول
بعدين يفكر يستتها
تكبر ولثانويه تروح
تخرب تفسد وتعقل
وفي قلبها هموم وجروح
وتكره انها تفشل
تجيب نسبه عاليه
وتدخل احسن كليه
على قلب امها غاليه
وابوها يهديها هديه
وبعد اربع سنوات
من الكليه تتخرج
تتعين بالسروات
وبعدها همها يفرج
ابوهايطلب لها نقل
وتتعين قريب منهم
وش في هالحياه اجمل
من جلستهم ولمتهم
وفي يوم بلاموعد
كذا فجاءه بليا اسباب
سماهم بلاغيوم ترعد
قدر والقدر غلاب
تموت البنت في يد امها
تصرخ وتطلع منها الروح
وياحالة الام وياهمها
وابوها العاجز ينوح
جاءت للدنيا تصرخ
وتصرخ مثلها امها
وراحت منها تصرخ
وابوها يبكي ويلمها
دنيا تاخذ وتعطي
وفي الحالتين نبكي..
نبكي لاانرزقناببنت
ونبكي لامات صبي
كلمات راقت لي فنقلتها لكم ..
رد مع اقتباس
المشاركة الأصلية كتبت بواسطة ملاك السعادة
المفضلات