مســاكم//صبــاحكم جوري وريحــان
قصيدة اعجبتني
اترككم للاستمتاع بها
...
حبيبي والشتا واقف على صدري .. وخلـف البـاب
ولا ادري لو ترك صدري .. بيرحل من ورى بابي ؟!
ثـلاث سنيـن أدفّينـي بذكـرك يـا أول الأحبـاب
ثلاث سنين تذكرني ببـردك .. يـا آخـر أحبابـي !
ثلاث سنين أدوّر لـك حبيبـي فـي طريـق غيـاب
ثلاث سنين اضيّعني .. ولا ألقى بك ولا ألقـى بـي
سوى ما ينثر حضورك بـ( قلبي ) من ندم وعتـاب
سوى ما ينثر غيابي بـ( قلبك ) من بعض ما بـي !
ثلاث سنين .. وعيوني وقلبي زاخرة بـ( اصحاب )
تنام بها .. ولا اصحى بي سوى لا ناموا أصحابـي !
ثلاث سنين أذكّرهـم : تراكـم ( حسبـة الغيّـاب )
ثلاث سنين أنسيّهـم مـن اللـي غيّـب حسابـي !
ولا أدري لو تجي بكره .. تلاقي لك بعض ترحاب ..
بـ( قلبي ) ، ولاّ ما تلقى سوى اللي البرد خلى بي !
بعض حب .. وكثيرٍ من سواد وخـوف وإستغـراب
الأول منّها بـ.. قلبـي ، وباقيهـا علـى أهدابـي !
كذا سوّى غيابك في حبيبـك .. ليـت قلبـك غـاب
قبل يذبل زهر شوقي عليـه .. وتتلـف أعصابـي !
قبل لا أمدّ له قلبـي وأحاسيسـه .. بـدون حسـاب
قبل لا أذكر ارحّب به .. وينسـى لا يتحفّـى بـي !
عليه الحب .. من أوّل وقـوف البـرد عنـد البـاب
إلى آخر ما وقفت أرجي رحيل البرد عـن بابـي !
تحــــياتــــي لكـــــم
نــــأنــــاة
رد مع اقتباس
المفضلات