واضـــح كلامــي وأدري فيك فاهمني
لا عاد تنشـــــــد على قلبـــي وأفعـاله
أرجوك كافي دخيلك روح وفارقنــي
حيران قلبي معاك... وحالته حالــــة
ما كان له داعي تحرجـني وتلاحقـني
داريت حبل الوصل وإنقطعت حبالــه
لا قلت لك ( لأ ) يعني لا تناقشنـــي
أنـا آخر إنسان يتراجع عن أقوالــه
إحفظ كرامة غلاك ولا تناظــــرني
لو صار قلبك ذهب ما أقبل وصـاله
صبرت ياما وكان الصبر جارحني
أضحك وعيني تصب الدمع همـّاله
ناديت وغير الصدى ما أظن سامعني
عانيت لجل تبعد... وقلبك مو على باله
والحين ترجه وتقول : واحشني !!
تســأل عن أخبـار قلبي وآخر أعماله
لا والله طيّب وفيك الخير .. فاقـــدني
تعـّبت نفسك وقلبك تـارك أشغـــــاله
لا تحلــف إني على بالك وذاكــــرني
الحب صعب .. على قلبــك وأمثـــاله ...!!
وإن كـان فعلا ً بوجهك دم ... فارقني
ولا تقول صدفة لقيتك هذي مو حـالة !!
لكم تحـــــــياتي..
رد مع اقتباس
المفضلات