[frame="4 70"]لن ما نثرت الدمع فشّره عليّه
طلاق يا نار المعّزه ما ولّع
طوفة زلاتك ترى طيب نيّه
معطيك فرصه لين فيني تولّع
ثنتين طافلك ولكـــــن ذيّه
بعلمك من هو حمد يالمدلّع
خطتك لو فكرة فيها ذكيّه
والدايره فيها تحيط المضلّع
وطبقة في تنفيذها العنجهيّه
وفشلة باللي فيه دايم تطلّع
تبغاني احني هامتي كل جيّه
وضرسي كلاه السوس بس ما تخلّع
تبطي تمنا كسرة النفس ليّه
والوقت لاحاني وانا ما تملّع
نقطة غباك اليوم حنّت يديّه
وعرجون عشقك في يميني تسلّع
لي عام صابر واكتم الغيض فيّه
واليوم صبري لآخر العمر صلّع
ما عاد أبي منّك سلام وتحيّه
خلاص قلبي عن فيافيك شلّع
وإن جيتني نادم على كل سيّه
من قبل تجلس قلت يالله تقلّع
[/frame]
رد مع اقتباس
المفضلات