سو اللي براسك ولاتذكـر اسبـاب
لاصرت بايعنـي توكـل علـى الله
مابيني وبينـك مشاريـه وعتـاب
شف دربك الي جيـت منـه تدلـه
ماراح تغلبني لـو الحـب غـلاب
من حضرتك عشـان قلبـي تذلـه
في ذمتي لجعلك عبـره للاحبـاب
لين الخلي يتوب عن جـرح خلـه
زلاتك الي مانفـع فيهـا احسـاب
لاجيـت اعددهـن ثمانيـن زلـه
احرجتني بين القرايـب والاحبـاب
كن الجفا سيـف بوجهـي تسلـه
ماكنت اقصر فيك من كثر الاعجاب
يومك تساوي عندي الكـون كلـه
كنت القريب وكلهم كانـوا اغـراب
حتى القمر لاغـاب شفتـك محلـه
خلاص لاترجع ترا خاطري طـاب
ابي طرا اللي كنت عايـش بظلـه
رح واعتبرني واحد اذنـب وتـاب
مانـي بثـوب تلبسـه ثـم تملـه
ترا ما يجتمع بالحب صـادق وكـذاب
رد مع اقتباس
المفضلات