يا رقيق المشاعر ويـن راح الحنـان
ليه ما شلت قلـبً طـاح قـدام عينـك
الـزمن هو زمـانك والمكـان المكـان
وآخر الشعر كلمه تسألك عنك وينـك
من تقهويت صوتك سولف الزعفران
عـاد وشـلـون فنجـالـن تمـده يمينــك
تذكر شلـون كنا والغــلا كيـف كـان
يوم لاغبت عنك ما أسمع إلا ونينـك
أشعر بخوف مدري كنت أحس بأمان
يكفي أن جيت يمك طار فيني حنينـك
وش كثر كنت وافي وأقرب الناس خان
بس أثـق فيك حتى لـو عيــوني تدينـك
راحت أسنين من عمري وعمرك ثمان
يـوم شحـت سنيني عوضتنـي سنينـك
زان عـمري بقـربك يعني الوقـت زان
حتى جرد القصـايد ربعت في يدينـك
طول عمري وأنا لاوي أذراع الهوان
شفت يومك بعيني منهــو يقدر يهينـك
ما أذكر أني نسيتك وأذكرك من زمـان
وأذكــر أني ضحيــه بين قلبـي وبينـك
تـدري وش جـابني لك لا تقول الحنـان
جيـت بشيـل قلبن طـــــاح قـدام عينـك
رد مع اقتباس
المفضلات