يا بحر بسألك ليش أمواجك الليلة تعاني
ـــــــــــــــ أنت مثلي يا بحر قبل أمس فاقد لك حبيب؟
انت متضايق عشانك ولا متضايق عشاني
ـــــــــــــــبباسألك بالله قلي يا بحر ايش المصيبة ؟
ولا اقول أسكت وأنا بحكي عن اللي لك خذاني
ـــــــــــــــببتدي معك الكلام وكل ما عندي بجيبه
تذكر اللي لا لفاني بشر القلب المعاني
ـــــــــــــــ تذكر اللي كله حب وغرام ونهر طيبة
تذكر اللي صوته تشتاق له حتى المواني
ـــــــــــــــ كل ميناء يسأل الثاني إذا طوّل مغيبه
تذكر اللي في كفوفي يشعل الدنيا اماني
ـــــــــــــــ تذكر اللي نوره سود الليالي تقتدي به
تذكر اللي سلهمته تقلب الساعة ثواني
ـــــــــــــــتذكر اللي عطره حتى طيورك تحتفي به
تذكر اللي علمني كيف اروّض هالمعاني
ـــــــــــــــ كل ما مر عليّه رحت للشعر انتخي به
تذكر اللي كل صبح يمرني باحلى تهاني
ـــــــــــــــ صار كل العمر عيد وصار اقرب من قريب
قبل يومين تركني!!
قبل يومين تركني!!
قبل يومين تركني
قبل يومين تركني ورحل مع شخص ثاني
ـــــــــــــــ شخص ما كان يحبه بس ما ادري وش يبي به ؟
أدري اني من سببه مكسورٍ خاطر زماني
ـــــــــــــــ وادري اني اول انسان إنكسر خاطر نصيبه
وأدري أن ربي اخذ مني مثل ما هو عطاني
ـــــــــــــــ وادري ان الغالي راح رضى ماهي غصيبة
بس اقول الله كريم وعمر كل الناس فاني
ـــــــــــــــ والمكان اللي خلا من زوله وش ينبغي به
مدخلك بالله قلي حط نفسك في مكاني
ـــــــــــــــ وش تسوي يا بحر لا صرت فاقد لك حبيب؟؟
المفضلات