ابستعيد الذاكرة واسرج خيول الماضي
وابستثير الذكرى واركب تفاصيل ظهره

اول يوم ان الدنيا صعبة وماحدٍ فاضي
واليوم سهلة لكن من راح ماجبنا خبره

تمشي بنا هالدنيا وكلاً بمشيه راضي
وإن حل طاري غايب بالخير دايم نذكره

ليت الليالي تضحك على حدود حياضي
والحظ يسطع مره على مسافات قمره

حتى يعود العابر بالحاضر الفضفاضي
ويورق غصينٍ يابس من بعد ماهل مطره

ابعدت في تفكيري والعاديات اغراضي
والدرب هذا موحش مابين عجّه وغبره

وبعد اتضاح الرؤيا شبعت جميع فياضي
وفهمت لي وش يعني العفو عند المقدرة

منقول