منبع للكرامه
لي حبيب يفرض على الخلق احترامه
له عزم فرسان وله صيت ملوك
سحرني من له في قوله فخامه
ومن له بالفعل عز محبوك
راعي الوفا والصدق والاستقامه
وبدفا احساسه صار القلب مشبوك
قولي عن اللي بنى بشوقه غرامه
قولي صادق ماتعيبه شكوك
قولي عن اللي لازعلت يعنيني ملامه
عتاب باعذب ورود الحب مشكوك
ارتجيه دامني فعمره مرامه
ودامني شريت وده من ود مصكوك
مايخلي لغيري في الوصل اهتمامه
مايخلي باب الود للغير متروك
يكفي ان القلب يوم حياه بسلامه
ركضله وعدى على درب من شوك
دام حبه منبع للوفا والصدق والكرامه
ماهتم لو صار لجله دمي مسفوك
رد مع اقتباس
المفضلات