[frame="9 80"] الحب همسه
لصار تدري كل مافيك لي زان
وشلون تسال كان انا منك هاوي
حبك بقلبي واضحاً دون كتما ن
قلبي لحبك دايم الــــدوم طـــاوي
انتِ حياتي ثم للروح سلوان
شقيق روحي بالعلـــن والنـجاوي
وانتِ ربيع النفس وصمام الامان
من عقب ماني بالوصايف خلاوي
حيثك لحن ياعازفه قلب ولهان
من بد جنسك..خير من هو اخـاوي
وانتِ جمال الكون مع كل الالوان
اطيافه وانـــا للطيف غاوي
قبلك حياتي ضايعه دون عنوان
حسيت ماباقي لها من بقــــاوي
طبيب قلبي من مسح كل الاحزان
ولملم جروحاً من سهم كان كاوي
ياحبنا مبدأ ولا باغي اعلان
اكيد واقع مهو قــــول وحكاوي
والحب بسمه دايمه كل الاحيان
بسمه وراهـــــاكل حب وغلاوي
واذا صدق بين المحبين له شان
تعبير ورداً مانطق بيه راوي
والحب يصنع روح وحده بجسمان
يوم المشاعر تجتمع بالتساوي
والحب همسه والصخر لاجلها لان
ذاب الصخر واصبح كما الشمع ذاوي
بشر بليا روح ماعاد بانسان
وروحاً بليـا حــب كبرى البـلاوي
والحب اكثر ماتكلم به لسان
حيثه حقيــــقه دون شك وغشـــاوي
الشاعر/ عواد الهران[/frame]
رد مع اقتباس
المشاركة الأصلية كتبت بواسطة محمد الدراوشه
المفضلات