الصمت له عندي معزه ومقدار

[زهر الربيع]

الصمت له عندي معزه ومقدار
في زحمة الافواه .. يا زين الصمت !!


لا صار بعض البوح عند البشر عار
لو يشتعل جوفي حشى ما تكلّمت





تعبت من قولة : (علامك )و وش صار ؟
وان طحت ما ألقى سوى كلمة (سلمت )





واعذاراخلقها ولو مالي اعذار
مشّيتها مره .. ومرات ما رمت !!





كذبة صباح الخير/ يا صبح الانوار
عذري ليا عدّت ليالي ولا نمت





اسهر طوال الليل وضْيوفي افكار
واقول لاْصحابي :نعم توّني قمت !!






ما عاد فيني ألفت عْيون واْنظار
يكفي بأني من زماني تعلّمت





ان الصدر بيتــ ٍ..وسكّانه اسرار
نيّام ..بس يصحون لامن تألّمت





يصحون ويناظرهم الجار والمار
وش عاد ينفع سترهم لو تكتّمت؟!!





آقدّم اقدامي على درب الاصرار
امشي ولكن للأسف ما تقدّمت





النارقدامي ..ومن خلفي النار !!
والعمر يمضي بي وانا ما تولّمت





الين ذاك الحلم في لحظه انهار
وانا مع لحظة سقوطه تحطّمت





جروحي كثار..وتناهيدي كثار
لكن على كثر المواجع ..تبسّمت !!

[محمد الدراوشه]

الف شكر علىالانتقاء الرائع
مع التحيه والاحتراااااام

[زهر الربيع]

والف شكر على المرور الطيب

[سفير المستوى الراقي]

كلام جميل ومدوزن ذكرني بأكمن بيت يصح لسانك ولا هنت

خلها فالقلب وانسى لاتفكر..
دام شي راح لاتحسب حسابــــه ~!
لو هقـــــــيت بيوم أن بالك تعكـر..
هي كذا الدنيا ماهي دايـم طلابه ~!
بس!! لاتنسى بعد هــــــــــــــــذي تذكر..
{{ مايطيق الجرح من ذاق الإصابه }} !!

[زهر الربيع]

صح بدك ودينك ...ابيات جميله جدا
{{ مايطيق الجرح من ذاق الإصابه }} !!