حزين ومن جوايا متلخبط
مسكت قلمى وقعدت اشخبط
خانى قلمى ولاقتنى غصب عنى بكتب
بكتب كلام مش عايز أقوله
جوه منى هم وشايله عمر بطوله
طول عمرى بهرب منه ومش عايز أحكيه
ولاحتى لنفسى عايز أقوله
كام حلم كان جوايا ومش قادر أطوله
ليه ياقلمى فتحت جرحى تانى ليه
بقالى سنين قافل عليه ومخبيه
دموعى جفت فعنيه
وجراحى مش قادره عليه
والدنيا كلها وقفت ضدى وبرضوا ولا أثر فيه
وانت بس اللى قدرت يا قلمى وبينت كل ما فيه
طب هقولك واشرحلك يمكن تفهم يا قلمى
انا ليه كاتم جوايا وقافل عليه
كل واحد عنده اللى مكفيه
وانا عندى سر جوه منى مداريه
السر ده كأنه حمل وحملى حمل الجبال
ولو السر اتعرف يا ويلى من اللى ممكن يتقال
مليون علامه أستفهام؟والف سؤال وسؤال
وأكتر ما هلاقى حد يطبطب
هلاقى ميت واحد جاى عليه وبيعتب
والحياه هتقفل ابوابها
وهشرب أكتر من عذابها وهتتغير كل الاحوال
ياقلمى قصدى اقول قصر الحكايه
عذابى وانا كاتم جوايا
اهون بكتير من أنى اشرك حد معايا
احكم عليا انت يا قلمى
وقولى حكمك ايه فى النهايه
المفضلات