جروح النفس تبقى تردد في صداها

[بنت النبهان]

راحت افكاري توديني وتاخذني وتجيب

توصل شعاع الشمس من شدة عناها

الشمس تظهر كل يوم مره وتغيب

وما احد يشبع من نورها ومن سناها

والليالي عقب السهر نجومها تغيب

وانا بديار البدو بمشي بحضرها وبدجاها

ارجعي يافكرتي ترا جروحي ما تطيب

كيف يطيب الجرح وانا دايم في شقاها

دنيا نركض ونلهث بها كما طير ن غريب

تاخذنا تقربنا وتبعدنا وحنا نتوه بفضاها

الشعر في دمي وما هو بشي ن عجيب

تعودت اكتب اشعاري وبقافي اعانق سماها

كيف نداوي الجرح وقد غاب الطبيب

جروح النفس تبقى تردد في صداها

تكفى ياهالزمن ترا جرحك لي صعيب

خلني بحالي وانساني بترك الدنيا وبلاها

هذي حروفي كتبتها في لحظة مغيب

بلكي تزول همومي وجروحي وعناها

شايل الظبي

ش__________اعر الوفاء

[ابو عبد الله محمود]

طرح جميل

جزاك الله تعالى خيرا

بارك الله تعالى فيك

[بنت النبهان]

وجزاك الله بالمثل
شاكره لك المرور الطيب

[محمد الدراوشه]

الف شكر علىالانتقاء الرائع
مع التحيه والاحتراااااام