مستوره وزايد حلاها حياها

[بنت النبهان]

البنت بالحشمة مواري حلاها
لاجات محتشمة تفوق المزايين

ماهي على الموضه سريعه اخطاها
تمشي على العادات والشرع والدين

مستوره وزايد حلاها حياها
ولا ارفعت لاهل الهوى طارف العين

محدن حكى عن سرها عن خفاها
ما شاغلت فكر وقلوب المحبين

تردع بارادتها مجامح هواها
ولا غواها بالظنون الشياطين

ما هي رخيصة طاوعت من بغاها
هذيك منبوذه وكل فعلها شين

في كثرت العشاق دايم تباها
كل يوم قصة حب ماله عناوين

تمشي وكم واحد تتبع وراها
زايد دلعها ضاربه بالمضامين

فيها التكبر والتكبر عماها
متغطرسه على البشر والقوانين

ضاعت بعدما طاوعت من غواها
ظنت تسوي زين ما سوت الزين

البنت يكبر بالتواضع غلاها
بالعلم والرفعه تخوض الميادين

دايم ينمي علمها مستواها
ماهي ورا الموضه تغني تلاحين

البنت حشمتها تزود حلاها
لا من مشت بسلوم اهلها وبالدين

[محمد الدراوشه]

الف شكر علىالانتقاء الرائع
مع التحيه والاحتراااااام

[سفير المستوى الراقي]

مآني مـن الــــي يعشقون المخافيف
يعجبنـي اللــــي زينها مـــن خجلها

ولا اشتاق انا لمصفف الشعر تصفيف
اللي تبرج ثــــــــــــــم تكشف قذلها

بنت العرب مـــــــالها اليوم تووصيف
من شافـــــــــــــها روحه تبدد زعلها

ملبوسها ضافي طــــــــويل النفانيف
وعباتهـــــــــــا غطت معاصم حجلها

ما عرضت بالسوق تبحث عــن الزيف
ولا هي من اللي من نواها وصـــــلها

مشــــــــــروبها در البكار المــعاطيف
ومطعومها تمـــــــره تساقا عســلها

اذا بدا خــــــــــده كما بـــارق الصيف
ربي كسـاها الحسـن حتى شــملها

تسكــن ديار المجد ربعه هـل السيف
عـــدوهم لا بــــــــان يشــكي عللها

تقبلي مروري
دمتي بحفظ الرحمن