انا والليل والعبره وجرح وخاطر مكسور
ونفس من هجير البعد والحرمان مقهوره
وقلبن ضامي لشوفك ولايرمي ضماه بحور
وعين تحتري لحظة غياب الطيف وحظوره
ونار تنطفي مره ومره تشتعل وتثور
وقول النار مقدوره وهي ماهي بمقدوره
حسبت الليالي بغيابك يمرن الليال دهور
وكني شايل بقلبي ليالي الوقت وشهوره
تصبرت وتقدرت وبنيت من الخيال قصور
ولين ان الجفا شد الركايب وأنتهى دوره
تحريتك على درب القصيد من ثلاث شهور
وحشا مامات لك غصن يشف الماي بجذوره
تخيرت الغرام وجيت لأراضي ولا مجبور
وجيتي تسبقين أخطاك مرضيه ومجبوره
وأنا ماكان لي رغبه أبين وأكشف المستور
ولكن الجمال أكبر من الخفاق وشعوره
جمال وود وعيون ودلال وكبرياء شعور
وفتنه تخذل عيون النهار وينطفي نوره
ولك في خافقي صوره تلاشت بين ضي ونور
وأخاف أسكت من الفرحه وتنطق بأسمك الصوره
عرفتك وأنتهت رحلة قساوة قلبي المهجور
ولا ياجملة أيام الجفا والصد مشكوره
خذتني للجفا عزه وأخذني للعناد غرور
وأخاف اكون بعنادي (حبيب) ومات بغروره
وأذا كانت مسافات الخيانة للغرام قبور
وش الي يجبر العاشق يخون ويحفر قبوره
وش الي يجبر العاشق يدور لشعر جمهور
مادآم أنتي محبينه وعشاقه وجمهوره
رد مع اقتباس
المفضلات