الحر ما ينفع بليا مخاليب

[بنت النبهان]

يالله تعديها على خير و .. [ تصيب ]
........... من حدنى .. أكتب خماله و / عيبه


يبغى الصراحه مابها .. شك او ريب
........... بَ أقولها و الناس كلن و .. [ طيبه ]


الحر ما ينفع بليا .. ( مخاليب )
........... و .. العقل للرجّال ..زينه و هيبه


و السالفة .. ماهى بلحيه / مواجيب
........... كلن على ( طبعه يجيبه حليبه )


بعض المنابت بالمراجل .. / عذاريب
........... و بعض المنابت للمراجل .. خصيبه


رجلن يبى طاريه عند الاشانيب
........... ورجلن يبى طاريه عند .. ( الحبيبه )


و رجلن / يودى بالسواليف و يجيب
........... و رجلن سواليفه ( لفعله تجيبه )


ورجلن يغض الطرف عن جارة صحيب
........... و رجلن عيونة فى .. ( محارم صحيبه )


ورجلن يغيب و يفقدونه هل الطيب
........... و رجلن ليامن غاب .. / ماحدن دريبه


و رجلن تشوف بخوته لك مكاسيب
........... و رجلن تشوف بخوته لك غليبه


و رجلن اذا اخطى يرى نفسه مصيب
........... و رجلن اذا اخطى يراها .. / مصيبه


قلت الصراحه ما بها شك او ريب
........... كلن على ( طبعه يجيبه حليبه )


اشره وشرّه كان تبغى المواجيب
........... عط حق تاخذ حق مابة ( معيبه )

××




بقلم

مشعل بن دهيّـم ..

[محمد الدراوشه]

ابيات جميله جدااااا
انتقاء رائـــــــع
مـ التحيه والاحترأأأام ـع

[RoBOo3AlwAtaN]

صح لسانك و لسان شاعرنا ولد الدهيم

احسن النسج ، و احسنت الانتقاء ^_^

صدق والله ان الرجال افعال او اخبال هههه


سلمت يمينك ع النقل الرائع ، دمتِ بسعادة لا تنتهي ^_^

[الاسطورة]

يعطيك الف عافية يارب
شاكرين هذا الانتقاء المميز
دمتم بحفظ الله ورعـايتــــه...!!

اختكم بالله

[بنت النبهان]

ولكم مني كل الشكر على المرور العطر
مودتي لكم