من رواائع خآلد الفيصل.."
~ ..قال الوداع.. ~
قال الوداع و قلت : ريّع لي شوي
اصبر ترى عمر السعاده ثواني
قال : الظروف و قلت : عن ظرفه عي
تعال وقّف ساعتك في زماني
قال : احترق في شمسها و انت في فيّ
و ماكل ما غطّى عيوبك كساني
قلت : العفو بصبر على حامي الكي
و أكسيك من صبري كساوي حناني
قال : الحقيقه شي و احلامنا شي
و الشاهد الله ليت هذا مكاني
قلت : الوعد.. قال : الوعد يا بعد حي
لاصاح لك قلبي و قلبك دعاني
~..ماهو صحيح..~
ما هو صحيح القلب للقلب شاهد
لو هو صحيح أصبحت مفتون فيني
بيني وبينك حب من قلب واحد
ليته يجيك من الهوى ما يجيني
وليتك تعرف الشوق لا صار واجد
وليتك تعرف أوجاع كثر الحنين
ما قد شكيت الحر والجو بارد
ولا سهرت بليل طول السنين
ولا مشيت العمر والحظ قاعد
ولا تحديت الألم والونين
أضحك وأنا لجروح الأحباب جاحد
أداري المكنون عن كل عينِ
ما ودي أفرّح لعى القلب حاسد
وإلا عذابي في عيوني يبينِ
شينٍ يهون وشي بالحيل كايد
يا كود تجريح الخفوق الحزينِ
من عانده وقته وقلبه يعاند
مالت به الدنيا يسار ويمينِ
غرّتني أمثال العرب بالشواهد
يبيك قلبي وأحسب إنك تبيني
~.. لوعة العاشق..~
قالوا لي العب قلت ما نيـب لاعـوب
إلا مـزوحٍ عنـد صافـي الجبيـنـي
الاعبه و افرح إلـى صـرت مغلـوب
و اشوف و جهه لى غلبنـي يزينـي
و اطرب على ضحكه و هو حيل طروب
و انادمه فـي لحظـة أحلـى سنينـي
حبيبي اللي كـل مـا فيـه محبـوب
ترخص له الدنيا و مـا كـان فينـي
اللي يجيني كـل مـا غـاب لاهـوب
أونـس حـرارة لاهبـه فـي كنينـي
و كني على غيره من الناس مغصـوب
و كـن العمـر ياقـف بليـا ظنينـي
و اصير بين يديـن الأيـام مقضـوب
و الليل يجلد بالسهـر مـوق عينـي
يضحك بي الشامت إذا قلت ما أتـوب
و يحزن صديق العمـر ممـا يجينـي
ليته يغطـي لوعـة العاشـق الثـوب
و إلا عيونـي مـا تبـيّـن حنيـنـي
و إن كان تعذيـب المحبيـن مكتـوب
علـى عـذاب الحـب ربـي يعينـي
~.. شرهة العاشق..~
ياحبيبي شرهة العاشق كبيره
كل مازاد الغلا زاد العتاب
القليله من هوى بالي كثيره
والكثير من الذي غيره هباب
تحسب ان جروح مفتونك صغيره
جرح قلبي من هوى قلبي عذاب
انكسر جناح قلبي في مطيره
والجناح الى انكسر بالطير عاب
واليالي ياقمر ليلي قصيره
لايضيع العمر في طرد السراب
اشتكي وجروح قلبي من عشيره
ياعشير القلب في قلبي صواب
..وسلاااامتكم..^^
..ْ}
رد مع اقتباس
المفضلات