فقيره يا مشاوير الوفا والتضحية والهم
::
فقيره يا مشاوير الوفا والتضحية والهم
..................... مدامك ما جنيتِ من محاصيل الوفـا خيره
علامك كل ما لاح الأمل تبكي ضلوعك دم
....................يطيح من الخفوق أغلى ثمن وآخر مخاسيره
تنوح من الأسى في دمعتين وكم بقايا ذم
......................تعاف اللي بقى من هالمكان ومن مساييره
عزاية ما دريت السالفه حسبه بكيف وكم
................... ولا أدري ليه لا نلنا الشرف غصوا بنا غيره
لك الله يا مشاوير التعب لو تدفقين السم
......................خذيتي من ملامح وجهي السافر وتنويره
وأنا والحلم واحساسي وصوتن داخلي مفعم
.....................على شرفة أمل نهدي مشاعر باتت بحيره
وقبلك كم خذلني ضلعي اللي ما قدر يلتم
...................... تحطم ما بقى به كود بصماته.. وتحريره
تعالي بين سيفين الجروح الباليات الجم
........................لها عامين تسأل من يلم الشمل ويديره
علامك ليه/ وش حدك تزود بالهموم الغم
......................تدوس اللي وفالك كل ما تحلا لك السيره
غريبه كم جهلتك فالسنين الماضيات الصم
.....................وأنا مثل الأصم عاجز عن الواقع وتغييره
أليمه يا مشاوير التعب كم حملوك اليم
......................مع إنك ما جنيتِ من غثاه ومن مقاديره
رد مع اقتباس
المفضلات