ماعندي اسلوب وانت عليك اسلوب ماهوب طبيعي
لجلك دخلت الحب ماعندي اسلوب
وانته عليك اسلوب ماهو طبيعي
دارس ومتخرج وفاهم وموهوب
وانا بدوي واعشق زهور الربيعي
الفرق واضح بين غالب ومغلوب
عسا معك صبرٍ وصدرٍ وسيعي
نايف توفا والسبب حب مضروب
ابره هوي منك وموتٍ سريعي
اسمع واخذ مني علي طرق مسحوب
ابيات تبقا بالزمن ماتضيعي
انا بدرب الحب ماني بمغصوب
امشي على هوني وشاني رفيعي
تبت وعساك اليوم من حبي اتوب
وتذل نفسك للبصير السميعي
لو مرةٍ وحده يخفف لك أذنوب
طعني وانا اللي خابرك ماتطيعي
اصبر واخذ عبرتك من صبر أيوب
لاتسحبك رجلك على كل ريعي
فكر بيومٍ فيه طالب ومطلوب
يومٍ ومن هوله يشيب الرضيعي
محدٍ من العالم عن افعالك اينوب
ولحدٍ بها يشري ولحدٍ يبيعي
يالله ياللي ساتر الناس بالثوب
ياخالق الكون الكبير الوسيعي
يمرجعٍ يوسف على ابوه يعقوب
تشفع لعبدك يالكريم الشفيعي
تمت وصلي الله عدد مابه شعوب
على النبي واعداد سني وشيعي
رد مع اقتباس
المفضلات