[overline]ألساني يزعل لو كلت مره نسيت
لان بس انساك لازم أذكرك
وبيك ماأفكر أذا عني تغيـــــــــب
خاف بالتفكير أبالغ وأخســرك
وما أشكن لو صرت كلك شكوك
كبل ما تجني الذنب انه أعذرك
انته مني ووياي وعلـــــــــــي
ذاتي وي ذاتك تراهم واشترك
جيت لقليبي اتختل وكت ليل
وكلت خله أيبوك ما افرن شرك
وجبت ملحك عالجرح وترسته حيل
وجرحي ساكت ما يخشن خاطرك
ما كلتلك ليش من كالوا قسيت
أتحملت أصفر هواك وأخضرك
وما جزعت بيوم منك لو شكيت
رغم كل الصار تسلم وأشكرك
معاند ويه الموج جبتك وأدري بيك
بس أتلوح الجرف تنسه العبرك
لاتظن لو زاد خلوك أشتهيك
ولا تظن وي غيري يكمل منظرك
انته بس وياي جنحك ظل يطير
ومثل هيج أطيور ياهو العاشرك
دفتر أبيض عشرتك فعلآ صحيح
لكن انه أجلاد الجلد دفتـــــــــرك
بقلمـــــــــــــــــــــــــــــــــي
حــــــــــــــزن النـــــــــــــــــــــــــــــــــــــ ـــوارس[/overline]
رد مع اقتباس
المشاركة الأصلية كتبت بواسطة بنت النبهان
المفضلات