نهاية حب
تخيل كثر مابقلبي طعون وجرحها قتال
تخيل كثر ما أوله عليك وكثر ما أشقابك
تصور كثر ما أحبك وانت تصدني بأهمال
وكثر ما أزعل العالم واجي أوقف على بابك
وكثر ماتنزل دموعي على وجنتي ولا تختال
وكثر ماكنت بأول حبنا تحكي عن أعجابك
انا مل الصبر فيني وماتت فيني الآمال
بعد ماكنت احسب اني اقرب من ثيابك
لقيت اليوم نفسي في بحر موجه من الأحوال
وكل موقف يجدد في خفوقي عتابك
خلآص اليوم انا برحل واجدد حظي الي مال
خلآص وكل مافيني يقول روح لأحبابك
تخيليني بناية حب شامخ هدها زلزال
وذا ودك تحاسبني تعال وصفي حسابك
ولكن كثر ماقلت الشعر والحبر منه سال
وكثر ما أوفيت لك في يوم ماتلقى وفى أصحابك
وكثر حبي وكثر شوقي وكثر ماهالكلام يقال
انا فيني معزه شامخة ثآرت بأسبابك
رد مع اقتباس
المفضلات