...... لا اله الا الله ....
سمعت بالامس خبر وفاة احد الاعضاء في احد المنتديات كان الخبر بالنسبه لي صدمه قويه
احنا نعرف ان الكل راح يموت وماراح احد يبقى في هالدنيا
طيب ليه لو نسمع خبر فلان توفى ننصدم ونبكي ليه
احنا شنو نبي من هالدنيا قولو لي
احنا مو خلقنا الله الا لعبادته
طيب ليه نعصيه
من جد الواحد يلهى في هالدنيا في ملذاته وشهواته وينسى يعمل لآخرته
يعصي الله عشان دنيا دنيه الحين اللي نشوفه من الفتن منتشره
فالقابض على دينه كالقابض على الجمر
الحين انتشرت
الملابس العاريه والعبايات اشكال والوان وللاسف المسلسلات والاغاني
واللي انتشرت بشكل مخيف وبعد فيها تعليم على نزع الحياء
والكل يطالع فيها ومبسوط ومايدري ان ربي راح يحاسبه على كل شي
على كل نظره
وهذا كله عشان دنيا
ولا بعد النميمه بين الناس واللي انتشرت وخربت بيوت
احنا شنو نبي من هالدنيا
ياناس اصحوا الى متى واحنا غافلين
غرقانين في معاصينا واخرتنا ماعملنا لها شي
اصحوا قبل لايجي يوم نشوف فيه فلان الله يرحمه
شنو راح يصير بعدها ياحسافه انتهى كل شي في حياتك
اهلك راح يحزنون عليك ويبكون واصدقاءك بعد لكن ماراح يفيدك بكاءهم
تدري شنو راح يفيدك اذا رحلت من هالدنيا بس اعمالك الصالحه
فاذا كان عندك في هالدنيا صدقه جاريه هي اللي راح توصلك من الحسنات
اما اذا كان وللاسف العكس في جوالك وجهازك الافلام والاغاني والصور
وفي المنتدى اللي انت فيه ناشر هالاشياء راح توصلك بعد لكن مو حسنات لا
راح توصلك سيئات يالله ميت والسيئات تجيه ..
من الحين كل واحد يطالع نفسه هو مسوي شي غلط
يروح يعدله ترى كثر موت الفجأه فلا تقول بكره اغير بكره اتوب
ليه التسويف طيب يمكن يجي بكره ما تكون موجود
ياناس توبوا قبل فوات الاوان واعملوا لاخرتكم
اتركوا المحرمات وربي راح يعوضكم
" وتذكروا من ترك شي لله عوضه الله خير منه "
يارب تهدينا وتغفر لنا ذنوبنــــــا
رد مع اقتباس
المفضلات