خذا كل العمر واقفى بلا عذر وبلا ميعاد
السلام عليكم ورحمة الله وبركاته
دعاك الشوق ياطيف الغلا ولا الجروح اجداد
او انك مالقيت من المواجع غير ذا السيـرة
تذكّرني عذابي وانتحـي لـك طايـع منقـاد
وتروي من عروقي لين اموت ويالله الخيـره
طلبتك خلني ماعاد جرحـي دمعـة وسهـاد
كبرت وكبرت جروح الغرام وشان تدبيـره
ولانى طفلة تزعل وتضحك للرضـا بعنـاد
يمرجحها الغرور وغرها الوقـت ومقاديـره
سرت فعيوني طعون الفراق وخاطري ماهاد
بكيت ولا ذبحت البعد والهوجاس والحيـرة
انا ياصاحبي غنيت جرحي لين صوتي بـاد
اسنّـد لـه طروقـي واتعدانـي محاديـره
وانا اللي داعي الاشواق صافحته عنا وجهاد
ولا حصّلت من وجه الزمـان الا مخاسيـره
تذكرني او انك جيت يا طيف الغـلا نشـاد
وتدري مانسيته مـن خطـاه اليـا معاذيـره
سريته لين ماصارت عيوني له مسا ورقـاد
وصار الليل مسرى خوّته والعهـد والجيـره
احبه وان ذكرته ضاعت بلاد ونسيـت بـلاد
ولا ادري عن مكاني وين انا والناس والديـره
كتبه الله لعمري جرح ولغيري كتبـه مـراد
وتذبحني ظنوني لاصحت بي جمرة الغيـره
يقول انتي واقول انت الغلا ياروح روح ابعاد
عليك الله وامانه وش يضف الدمع ويجيـره
دريت انه لغيري واقتنعـت ولابقـى مقعـاد
تفارقنـا ويامكثـر غـلاه وكثـر تقصيـره
خذا كل العمر واقفى بلا عـذر وبـلا ميعـاد
وانا قفيت ما والله في قلبـي سكـن غيـره
رد مع اقتباس
المفضلات