جزيرتي من أحلى الجزر و انت اللي محليها
بوجودك أنت يا بدر جنه أنا أخليها
توسد ذراعي بالحضن مثل الطفل أرعاك
أنت حبيبي و اطمئن مشدودة روحي و ياك
يا قدري و أحلى قدر محروس من عين البشر محروس
يا عمري أنت أشكرك عز السعادة وياك
ما ابخل عيوني الك و بروحي اتفداك
اقترب من عندي بعد ضم روحك بروحي
القلب بيتك للابد تستاهله يا روحي
يا قدري و أحلى قدر محروس من عين البشر محروس
الجسد موجود والروح أرحلت !!
والزمن غدار لكني صبور ..
عيني الي من عنا الوقت ادمعت ..
حزنها ياخوي شيد له جسور ..
وحدي بدنيا بها روحي اطلعت ..
فاقد الاحساس ماعنده شعور !
الهوى مابيه انا روحي اشبعت ..
وش يفيد الجرح لو كلي كسور ؟
صح تقليب المواجع بالسوالف مايفيد
وصح ان الصمت قاسي واقسى من صمتي الكلام!
بس لاصارت حياتك سجن مظلم وانت قيد
مالك الا..لاتعبت تطير آهاتك حمام !!
حبك سراب ضيعت وقتي اتبعه
وسط الضباب صوتك ينادي اسمعه صرت اتبعه . .
واليوم في صحراء الظما
ترمي فؤادي وتحرقه
وترجع تقول أبعتذر ليه العذر
دام الهوى . .
ماله عل قولك عذر
والجرح يا جرحي يداويه الصبر . . ليه العذر . .
[IMG]http://imagecache.te3p.com/imgcache/cdee2b255b33835c9a3623f5f203152b.jpg[/IMG]
الطيحـة اللي تعلمني بـ شيٍ جديـد ,
أحبها كـثر حبي لـ لأمل و النجـاح !
و قناعتي إن عندي صدر ما هو حديد !
تجبر عزاي إن تعرّض خافقي للرماح ,
و لو الخساير كثيرة بـ أعتبرها رصيد ,
بعض الخساير حرام نقول عنها : جراح !
لا غشاك الليل وأسرف بك "الحزن العميق"
جـنـب وجـيه البشر .. وإسـجـد لـ[خلاقها]
يموت الشجر واقف وظل الشجر ما مات
رياح الدهر تصرخ وهي تجرح جنوبه
لك الله شجر للموت ما ترخي الهامات
بقت وقفتك يا رافع الراس مهيوبه
شجوني لها مع وقفتك يا شجر وقفات
عيون النظر مع نظرة الفكر مصحوبه
شموخ الشجر عبرة لمن يفهم الشارات
والانسان فى غفلة والايام محسوبه
أرد النظر لاشك يا نظرتي هيهات
أباستوعب العبرة بالاشجار مكتوبه
و انا يعتريني ضعف الانسان والهقوات
أروم العزايم يوم وايام مسلوبه
لا تعض إبهـــامك الأيمن ندم
الندم مــا فاد له ناس كثير
يوم كنت بخير صاروا لك خدم
ويوم طار الطير عزاك الفقير
من بنى ساسه على جرف انهدم
والعمر لو طال آخرته قصير
ما تحوش الأرض إذا الوزن انعدم
الله أعلم وين تقرير المصيـر
قد شفت نآسٍ في حيآتي همهآ عدة أمور .. .
تجري ,
وتضحك ,
تسولف , مآتحب الأسئله .
نآسٍ على جرحي بكت ..
والبآقي يضحك في سرور
ونآس تعشقني ولكن ،
جرح قلبي تجهله ,
ونآس تهوى الطعن فيني
نآس مآتملك شعور
ونآس إن شآفت غلط
تمـوت وهي مآتفعله ,
نآس كآنت لي دوآ
ونآس صآرت لي كسور
ونآس أذكرهم في خير ومآلنآ أية صله
نآس كآن الحب منهم شي أشبه بالبذور
تعطي ولآ تآخذ عطى ومآ تحصي اللي تعمله
مآكنت أحب إني أقول .. شي يشفع لي الظهور
بس شيً في خفوقي .. .
مآقدرت استحمله !
مآقدرت استحمله!
حمَام يا اللـي فـوق الأغصـان غنَّـى,,
غَـرِّد و أنـا بعـدك بغـرِّد و أغـنّـي
جّر اللحن و ( اشْلَع ) علـى مـا تمنّـى,,
مالـي و لا لـك غيـر كِثـر التمـنّـي
عمرٍ مضـى و أنـا أسمـع اللـي يونّـا,,
و أهِـلِّ دمعـي لاسمعـتـه و أونِّــي
مـا هـو وَلَـعْ باللـي تِهِـزّ و تثـنّـى,
,و لا هو طَرب ؛ من زين صوت المغنّي !
مـا زاد مـن حُـبِّ العـذارى حـزنَّـا,,
مهمـا علـى درب المحـبَّـة دَعَـنِّـي
مـا همنّـي بعيونـهـن لــو غـزنّـا,
,و ما همنـي سهـم النظـر لـو طَعَنِّـي
بـس الخـوي اللـي حسبـنـاه مِـنَّـا,
,و اللـي علـى فرقـاه كِـنَّـا نِحِـنّـي
الـلـي مــن أول لا بغـانـا زبَـنّـا,,
لامِــنّ مِـيـلات الـدهـر مَيَّلَـنِّـي
سهمـه سِطَـا بالـروح يـومٍ طعـنّـا,,
نـيـران غــدره بالحـشـا ولّعـنّـي
يا طير قل لي وش حصـل فـي زمنَّـا,,
كيـف الـذي يَظلـم يعيـش متهـنـي
كيـف الـذي نِغْلِيـه يَرخِـص ثمـنّـا,,
عـن واجبـه مَعْنـا يِصِـدّ و يِكِـنِّـي
حِنّـا الخطـأ يـا طيـر نرفـاه حِـنّـا,
و حِنّا علـى أحسـن ظـن دايـم نِظِنِّـي
لـكـن بـعـد مــا زلّ زاد وغَبَـنّـا,,
يوم ادّعـى إن الجـور يـا طيـر مِنِّـي
يـا طيـر ، يـا طيـر السَّعَـد لا تَعنّـا,,
و أنا معك يـا طيـر أعينـك و أعِنِّـي
خِذنـي معـك يـا طيـر لحظـة تُونّـا,,
دامي معـك يذهـب غثـا البـال عَنِّـي
و إن ردّد القُمْـري لحـونـه و ثَـنّـى,,
أردد الألـحـان بـعــده و أثَـنِّــي
ضوابط المشاركة
رد مع اقتباس
المفضلات