قصيده اكثر من رائعه
اصبر على حظك ولـو ماصفالـك
يمكن مع الايـام حظـك يصافيـك
بعض العرب لولا حلالـك ومالـك
تلقـاه بايـع خـوتـك مايدانـيـك
وبعض العرب كانك نخيته عنالـك
يفزع معك بالروح والمـال يفديـك
واحدن ليا من طحت بيديـه شالـك
واحدن ليا من طحت صد متعديـك
وبعض العرب في وسط قلبه بنالـك
بيتن يضمك لا قسى البـرد يدفيـك
وبعض العرب تلقـاه دايـم اقبالـك
ايجاملك بالهـرج ماهـوب باغيـك
احدن ليا من ضقت يفـرح لحالـك
واحدن ليا من ضقت يحزن ويبكيك
وبعض العرب ماقد عمره طرالـك
وعند العرب بالطيب دايـم يطريـك
وبعض العرب تفديه لـو بالمهالـك
وليا بغيته يختلـف عـن مماشيـك
وبعض العرب وقت المصالح لجالك
وليا خـذا حاجتـه مايتصـل فيـك
واحدن تعزه دايمـن وسـط بالـك
ماقد فكـر فيـك ماهـو يراعيـك
لا تحسبـن الكـل يبغـى وصالـك
بعض العرب يكرهك والبعض يغليك
هاذي حقايق مـن لسانـن حكالـك
حقيقـة الواقـع تخيـب هقـاويـك
وانا خوي العمـر عدنـي ظلالـك
إليا ندهت اجاوب الصـوت لبيـك
خابـرك طيـب طيبيـن خـوالـك
خابرك منت إمن الرجال الصعاليك
عيني وروحي كل ابوهـن فدالـك
باغي انا قربك وانا جيـت شاريـك
اتشوفني شرقـك جنوبـك شمالـك
والغرب حتى تشوفني فيه ناصيـك
اغليـك انـا مانـي ادور بـدالـك
إن كنت ضايق اعرف إني ابرضيك
بربط حبال الوصـل ويـا حبالـك
حبل الوصل ياخـوك ثبتـه بيديـك
جعل الولي يكرمك ويطيـب فالـك
ويذل منهـو نـاوي إنـه يعاديـك
وختامها يـا الله يـا خيـر مالـك
تغفر لعبـدن تالـي الليـل يدعيـك
رد مع اقتباس
المفضلات