نسيتني علمني شلون أبنساك
في هالزمن نسيان الأحباب عادي
وشلون لامرت على البال ذكراك
وطيفك سرق مني لذيذ الرقادي
وشلون لا قالوا لي الناس وش جاك
من كنت في لذة منامك تنادي
وشلون أعيش الي بقالي بلياك
لامن غدينا كل واحد بوادي
لو قلت اداوي جروحي الي تباطاك
ماكل جرح يفيد فيه الضمادي
أعلنت حبك لين كلن تمناك
غلطه وغيري من خطاي استفادي
لو لي مثل قلبك تمنيب فرقاك
واكيد قبلك بالجفى صرت بادي
حلوه عذاربي وحلوه مزاياك
حتى بيوم فراقنا كنت هادي
كن الليالي ودها تكسب رضاك
وانا يطول مع الليالي جهادي
في ذمتي ماهي غريبه خطاياك
مبطي وقلبك لوتنبهت غادي
سهله على من كان مثلك وشرواك
مثل الثياب يغيرون المبادي
علمتني أكره ذكرياتك وطرياك
وأنسى من الليله صدوق الودادي
ولاني بقايل عقبها وين أبلقاك
راضي ولو جروح قلبي جدادي
والا القصايد جعلها من فداياك
لبستها مبطي ثياب الحدادي
باكر على المخطي يدورن الأفلاك
ونشوف من يصعب عليه البعادي
*وأقول الوداع وليس الى اللقاء
رد مع اقتباس
المفضلات