مشغول في غيري وانا فيك مشغول
وياي وحساسي يقول انت مو لي
صارحتني واقفيت عني وانا اقول
ليته كذب ياليت ماصارح بشي
حاولت أعديها على العرض والطول
بس اعترافك شي ومبادئي شي
وشلون احبك وانت متقسم فصول
يعني معاي شوي ومع غيري شوي
لو كنت تجبرني على شي معقول
ماقلت لك آسف وانا الحل بيدي
حتى الكلام الي يجي منك معسول
سرت أسمعه واقول يمكن ماهو في
مقتول في قربك واذا غبت مقتول
تجدد اجراحي وألاحزان هي هي
كلمه وعنها لا تراجعت مسؤول
خذها وتكفى لا تضايق وانا حي
ارحل وسافر عن حياتي على طول
وان قلت لك أرجع بعد غيبتك عي
رد مع اقتباس
المفضلات