فمان الله يادمعة جروح العام ودعتك
فمان الله يادمعة جروح العام ودعتك
فمان الله وبستقبل جرح العام من ثاني
فمان الله يكفيني على درب الحزن طعتك
فمان الله لاترجع كثير جروح وجداني
فمان الله ياطير السعد وان كان روعتك
ابد ماجا على بالي تجي من ديرتك عاني
تعودة اني اجيلك وتجفاني ولابعتك!!؟
ورغم الجفا كله طيب القلب وداني
فمان الله يامركب تطير الريح باشرعتك
توديها على كف القدر وتودع اوطاني
فمان الله يارشة عطر الليل وزعتك
ابد مابي ولا حاجه تذكرني بخلاني
فمان الله ياكتلة ثلج العام ميعتك
مشاعرنا نذوبها ماننظر منه الجاني
ورغم الصقيع اللي يسكن جوفي ولعتك
خذيت من الجمر يمك وثلجك حيل دفاني
فمان الله يادفتر مشاعر شعري قطعتك
سجين الدرج من فتره وكل اوراقك تعاني
فمان الله ياجثمان حبي كان شيعتك
وفي الاخر ولا واحد بموت الحب عزاني
قتلت الحلم من صغره فمان الله ودعتك
فمان الله ياحلماًتلاشى بفتحة اعياني
وهو عند البدوا منقود ولا كان رجعتك
انا مابي اشوف ابوي واطي الراس من شاني
رد مع اقتباس
المفضلات