العيد قرب والحبايب بعيدين .. وانا عيوني ولمت دمعة العين

[زهر الربيع]

العيد قرّب / والحبايب بعيدين..
ـــــ والكل ولّـم " للتهاني "../ رسايل..؛

وانا عيوني ولّمَتْ (دمعة) العيـن..
ـــــ ياشين جفّنن في ضحى العيد سايل !

على الذي من عيدهم.. طاف / عيدين
ـــــ ولا عوّدوا يسقون../ جِـدْب النحايل !

ياثقـل ( هَمْ ) غيابكم.. بين سنّتِين..؛
ـــــ حسّيته بصدري كما جبال حايل..!

فكّرّت أهرب ! بس أهرب على ويـن..؟!
ـــــ لاصرّت انا الوجهات ، وأنتم ../ نزايل !!

حتى العهد بـ سْبابكم زوّد../ الـدَّيـن..!
ـــــ تعالوا شوفوا وش غدا القلب../ شايل ؟!

ان قلتوا (جرح !) قلت لا والله (جرحين !!)
ـــــ جرح الغياب / وجرح زووود الهوايل !!

لا صار "عيدي" في (رهن) محْجر الـعـيـن
ـــــ منهو يِفكّه ؟ من ورى جبال حايل !!
.
.

[الطوالبه]

سلمت يمناك
وكل عام وانت بخير

[زهر الربيع]

هلا اخي طوالبه
وكل عام وانت بخير

[طبع البداوه طبعي]

سلمتي على هذا الطرح الفريد والله يفرجها على كل محب وهمه بعد حبيبه :
ياصاحابي بعد هذا العيد وشلونك
قلي عسى خاطرك عن صاحبك راضي

والله قهرني مرور العيد من دونك
رميت عطري وثوبي وباقي أغراضي

من غير ضحكة شفاك وشوفة عيونك
للعيد فرحه لكن جت على الفاضي

[الاسطورة]

يسلموا غاليتي

لاحرمنا ذو قك المميز

[زهر الربيع]

هلا حبيبتي
كل الشكر لك على مرورك اللطيف

[محمد الدراوشه]

الف شكر على الكلمات
كل التحيه والاحترام