افتح شبابيك الهوى جيتك اليوم
بحساس من زود الوله عده يطير
جيتك مثل طفل له ايام محروم
عن حضن امه بعدته المقادير
وجيتك مثل عود له ايام مهموم
وده يلاقي بآخر الوقت تقدير
وجيتك حضن عاشق وهايم ومغروم
وده يضمك لين تصبح على خير
متى تحس ان الهوى شي مقسوم
من قسمة الخالق على خلقه يصير
متى تحس اني لك اطيح واقوم
واتعب على شانك واقدرك وآغير
لي في هواك أحلام وامال وعلوم
وأحزاب واصحاب وقصيد وجماهير
وهموم وافكار وهواجيس وحلوم
وادروب واخطار وعذاب ومشاوير
وحب وغلا واخلاص ومعاند ولوم
واحساس ولهام وشعور وتفاكير
وصحبة سهر ومقاطعه لذة النوم
وأشواق جياشه وعشق وتعابير
في ذمتك مابان لك شي مكتوم
من بعد ماصورت الأوضاع تصوير
لاتحسب انك شي عابر ومعدوم
وتاريخ حبك فاق كل الأساطير
في كل شي اتخيلك وأسمعك دوم
وتأملك في الوقت الأول والأخير
من ماضي الأيام ليومك اليوم
وغلاك عندي ماحصل فيه تتغير
وانا لك الله ما اقبل البيع السوم
ولا ارضى علي ولاعليك المخاسير
لأني الوحيد الي على بحرك يعوم
واللي عرف مرساه في رحلة السير
لحظه حبيبي قبل يسبقني النوم
بضم صدرك لين تصبح على خير
رد مع اقتباس
المفضلات