يا عين هلي دمعتك فوق الاهداب
واروي ظما خد ذبحه الجفافي
خلي دموعك سيل عالخد ينساب
هلي وهلي لين انا اقول كافي
تنهشني الدنيا بناب ومخلاب
واضحك واجامل كن مابي خلافي
يهون جرح القلب لا جا من اغراب
و يوجعك جرح من رفيق سنافي
خاويت انا في دنيتي ربع واصحاب
بعض خدعني حيل والبعض وافي
صاحب قليلة فيه لا قلت كذاب
وصاحب كتبته وسط قلبي مجافي
نادر الاقي في حياتي لي اصحاب
يجون مثلك دون اي اختلافي
المفضلات