خذ قلبي لجروحك ولا يجي قلبك جروح
........................... يسلم قلبك اللي بكـل مـا فينـي فديتـه
وشلون ما شيل همومك و أنـت للروح روح
........................... لو ينشرى فرحك بعمري لجلـك شريتـه
لو ينشغل بـالك أحس كل مافينـي ينـوح
........................... تصغر الدنيا بعيوني و كل فرحي نسيتـه
أشكي ما بك خـل قلبـك لقلبـي يبـوح
........................... ذبحني سطر من الألـم بعيونـك قريتـه
عطني أحزانك ببني لها بصدري صروح
........................... خلها من اسى الماضي اللي بحبي طويته
اضحك حبيبي بسمتك لي غايه وطمـوح
........................... كن نور هالدنيا من صدى ضحكك خذيته
تبسم للأمل خل عطـره بجـوك يفـوح
........................... ترى بعيوني غرامك أمـل عمري بديتـه
المفضلات