ويش تتمني يا عمااان?
عمان مدي كفك واعطيني من عينك نظره
شوفيني
شوفيني مواطن غلبان
غبيني مواطن غلبان صادق
في زمن مقلب خواان
مدي كفك ما باخذ من كفك اصبع
اصلا ما بكفوفك اصبع
واصلا تركيبي متوحد
متعود ما اخذ ابد
المواطن متعود يدفع
مدي كفك يا عماان
عمان الغربة هدتني
ايه اعطتني
لكن اخذت
اكثر مما هي اعطتني
اخذت مني سنين العمر
وشوفة ام
وبسمة والد
وقفة اخ
وفرحة,,,,,على متغرب عايد
اخذت مني ولاد الحارة وجيراني
وكورة نلعبها
اخذت مني ضحكة ساره
عمان الغربة ذي صحرا
والواحة يلي نلمحها
قبل نسافر
لما نسافر ...ما نلقاها
وان صاب الحظ بنلقاها
خيبه على هيئة صباره
عمان ما قلتي لي ويش اخبارك ؟
باقي تموزك تموز ??
وباقي الشعب بكل طيوفه
بكل طيوفه وظروفه
وخلافاته الـ/ما تتعدى
في امباراة الكورة باكر من يفوز ؟
باقي متوحد في الصحوه
الساعه 7 على مذياعك
يسمع غنية فيروز
قولي واحكي لي يا عماان
ويش اخبار السلط واربد ?
وصويلح ومعان ورم ?
والزرقا هي ظلت زرقا؟
مثل البحر
وباقي تحضن كل طيوف الاردن فيها مثل الام؟
عمان احكي لي متلهف
غني,,,فِلي شعرك
على صوت القريه وتحني
شوفي,على خدك رمش
بالله تغمضيها عيونك
يلا تمني
وش تتمني ؟
يرجع غايب؟
طيب بالاول نتمنى
يتبخر بند الضرايب
وش تتمني ؟
ما يبقى ولا واحد عاطل؟
طيب بالاول نتمنى
يصير الراتب فعلا راتب
دون زيادة في الاسعار
يعني نخلي العين تراقب
اكثر شطحات التجااار
وش تتمني؟
يزول الفقر ,,,,وما يبقى عنا امية؟
طيب بالاول نتمنى
ما يبقى عنا حرامية
وقبل نحاسب سارق يسرق
لجل يعيل العيلة حقه
نحاسب يلي سارق حقه
وحق الشعب
وكل مواطن جيبه شقه
وقبل نحاسب واحد عاجز
مو دافه ايجار الشقه
نحاسب يلي ببني قصر بيوم وليله
ويعصر حتى دم البقه
ولا هو خايف او متخبي
ويعلق لوحة ع الباب
" هذا كله نعمة ربي"
وش تتمني يا عمان
المية ترجع للأبار
لحظة,,,,,,,لحظة
لا تتمني
رمشك طااار [/COLOR]
للامانة الشعر مكتوب بقلم / اكرم التلاوي:cz:
وعجبني وحبيت انزله هوون
اختكم / رنا
المفضلات