مسائكم كادي // صباحكم هادي
الود طبعـي يـوم رددتهـا لـي
اشتق جـرحٍ ماخبرتـه جرحنـي
طبعي كذا انسـان مغـرم لحالـي
اعيش حال اللي بالاشعـار اجنـي
اكتب قصيد واصعد القاف عالـي
بين السحاب يعانق الغيـم متنـي
احيان اعيش الحب واعشق خيالـي
ومرّات اصيح الهـم كنّـه ذبحنـي
مودي غريب وشط الاشعار جالـي
حرفي عزيز ان مانصبتـه نصبنـي
فينـي طمـوحٍ واصلـن للهبالـي
من صغرتي ماخبر صعبـه عصتنـي
نفسي عزيـزه مادنـت للريالـي
وماارخصت قدري يوم قدري رفعني
بيني وبين الغرب ستـري وشالـي
عن غير حلّي ما تطاولـت جفنـي
كف الكرم من جود عمّي وخالـي
وابـوي بالميـدان حـرٍ ومعنـي
موجز مصغر عن عنـود المفالـي
يوم المشاعر هيّضـت وافضحتنـي
وسلامتكم
بقلم
.. عنـود الصـيد..
المفضلات